سنی لیونی کا مجسمہ میڈم توساد میوزیم میں

نئی دہلی: سنی لیونی کا موم کا پتلا دہلی کے میڈم توساد میوزیم میں لگایا جائے گا۔ اسے دوسری مشہور شخصیات کے پتلوں کے ساتھ نمایاں کیا جائے گا۔ لندن سے آئے ماہر فنکاروں کا ایک وفد ممبئی میں سنی سے ملا، جہاں انہوں نے 200 سے زاید خصوصی پیمائش اور تصاویر لیں تاکہ ایک مصدقہ سائز کی تشکیل کی جا سکے۔

انہوں نے کہا ’’میں دہلی کے میڈم توساد میوزیم میں اپنا پتلا لگائے جانے کے لئے منتخب کئے جانے پر میڈم توساد کی شکر گزار ہوں۔ یہ پہلا موقع ہے جب میں نے سيٹنگ دی ہے اور اس حیرت انگیز تجربے کے لئے میں پوری ٹیم کی شکر گزار ہوں‘‘۔

قابل ذکر بات یہ ہے کہ میوزیم میں کٹرینہ کیف، مادھوری دکشت، کرینہ کپور خان، سلمان خان، کپیل شرما، سچن تندولکر جیسےکئی اسٹارز کے پتلے ہیں۔