دہلی کے ’شادی ہال‘ نے سلمان خان کو بنایا دیوانہ، بنائیں گے فلم

ممبئی: مشہور اداکار سلمان خان دہلی کے شادی ہال پر فلم بنانے جارہے ہیں۔ سلمان اپنی فلموں کے ساتھ تو مصروف ہیں ہی ساتھ ہی وہ اپنے پروڈکشن ہاؤس میں بھی کئی پروجیکٹ لارہے ہیں۔کپِل شرما کے شو کے علاوہ سلمان نچ بلئے سیزن 9 کو بھی پروڈیوز کررہے ہیں۔

اب ایسی خبریں ہیں کہ سلمان خان ایک فلم کا پروڈکشن کرنے والے ہیں جو دہلی کے شادی ہال پر مبنی ہوگی۔اس فلم کی کہانی دو بھائیوں کی ہے اور فلم کا پس منظر دہلی میں ہوگا۔ اس فلم کو فی الحال بلبل میرج ہال کا نام دیا گیا ہے۔کہا جارہا ہے کہ فلم کو روہت شیٹی ڈائریکٹ کریں گے اور مکالمے راج شانڈلئے نے لکھے ہیں۔فی الحال فلم کی کاسٹنگ پر توجہ دی جارہی ہے اور فلم کی شوٹنگ اکتوبر سے شروع ہونے کا امکان ہے۔

سلمان کی ملٹی اسٹارر فلم بھارت 200کروڑ روپے کی شاندار کمائی کرچکی ہے اور وہ ان دنوں فلم دبنگ 3 کی شوٹنگ کررہے ہیں۔ اس فلم کو پربھو دیوا ہدایت کررہے ہیں اور یہ اسی سال دسمبر میں ریلیز ہوگی۔ سلمان پہلی بار عالیہ بھٹ کے ساتھ فلم ’انشا ء الله‘ میں بھی کام کررہے ہیں۔اس کے علاوہ وی جیکولین فرنانڈس کے ساتھ ’کک2‘ میں بھی نظر آئیں گے۔