سلمان خان کے گھر فائرنگ معاملہ: پولیس نے چھٹے ملزم ہرپال کو ہریانہ سے گرفتار کیا

ممبئی پولیس نے سلمان خان کے گھر کے باہر فائرنگ کے معاملے میں چھٹے ملزم ہرپال کو ہریانہ سے گرفتار کر لیا ہے۔ کچھ دن پہلے پولیس نے اس معاملے کے پانچویں ملزم محمد چودھری کو راجستھان سے گرفتار کیا تھا

سلمان خان / آئی اے این ایس
سلمان خان / آئی اے این ایس
user

قومی آوازبیورو

نئی دہلی: سلمان خان کے گھر کے باہر 14 اپریل کو کی گئی فائرنگ نے پوری فلم انڈسٹری اور بالی ووڈ کے مداحوں کو چونکا دیا تھا۔ اس واقعے کے بعد سے ہی ممبئی پولیس کی کرائم برانچ اس معاملے میں مسلسل کارروائی کر رہی ہے اور پولیس نے چھٹے ملزم کو گرفتار کرنے میں کامیابی حاصل کی ہے۔

ممبئی پولیس نے سلمان خان کے گھر کے باہر فائرنگ کے معاملے میں چھٹے ملزم ہرپال کو ہریانہ سے گرفتار کیا ہے۔ کچھ دن پہلے پولیس نے اس معاملے کے پانچویں ملزم محمد چودھری کو راجستھان سے گرفتار کیا تھا۔ رپورٹ کے مطابق ہرپال پر محمد رفیق چودھری کو پیسے دینے اور اس سے ریکی کرنے کو کہنے کا الزام ہے۔


پولیس نے اس معاملے میں پہلے پنجاب سے دو ملزمان کو گرفتار کیا تھا۔ اس کے بعد گجرات کے بھج میں دو ملزم پکڑے گئے۔ اب راجستھان اور ہریانہ سے گرفتاریاں بتاتی ہیں کہ سلمان کے گھر پر حملے کا یہ کیس کتنا اہم ہے۔

14 اپریل کی صبح موٹر سائیکل پر آئے دو شوٹروں نے سلمان کے گھر گلیکسی اپارٹمنٹ پر 5 راؤنڈ فائر کیے تھے۔ ایک گولی سلمان کے گھر کی دیوار پر لگی، دوسری گولی سلمان کے گھر کے جال میں لگی اور گھر کے اندر ڈرائنگ روم کی دیوار میں جا لگی۔ فائرنگ کرنے والے حملہ آور اپنی موٹر سائیکل موقع پر چھوڑ کر فرار ہو گئے۔

پولیس نے ان دو شوٹروں وکی گپتا (24 سال) اور ساگر پال (21 سال) کو بھج، گجرات سے گرفتار کیا تھا۔ کچھ دن پہلے اس معاملے میں بڑا موڑ یہ آیا کہ پنجاب سے گرفتار انوج تھاپن نے پولیس حراست میں خودکشی کر لی تھی۔

گینگسٹر لارنس بشنوئی کے بھائی انمول بشنوئی نے اس حملے کی ذمہ داری لیتے ہوئے سوشل میڈیا پر ایک پوسٹ شیئر کی تھی۔ اس ویڈیو میں کئے گئے دعوے کی تصدیق نہیں ہو پائی ہے۔ تاہم پولیس نے لارنس بشنوئی اور ان کے بھائی انمول بشنوئی کو اس معاملے میں اہم قرار دیا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔