نواز الدین صدیقی فلم ’سیندھاو‘ سے تیلگو فلم انڈسٹری میں کریں گے ڈیبیو

ممبئی: بالی ووڈ کے معروف اداکار نواز الدین صدیقی فلم 'سیندھاو' (Saindhav) سے تیلگو فلم انڈسٹری میں ڈیبیو کرنے جا رہے ہیں۔ نوازالدین صدیقی نے وینکٹیش کے ساتھ اپنی تیلگو ڈیبیو فلم کا ٹوئٹر پر اعلان کیا اور متعدد تصاویر شیئر کیں۔ انہوں نے اپنے مداحوں کو اس خبر سے آگاہ کیا کہ شیلیش کولانو کی ہدایت کاری میں بننے والی اس فلم میں رانا دگوبتی اور ناگا چیتنیا بھی نظر آئیں گے۔

پہلی تصویر میں نواز الدین صدیقی فلم کے سیٹ پر وینکٹیش، رانا دگوبتی اور ناگا چیتنیا اور دیگر کے ساتھ نظر آ رہے ہیں۔ دوسری تصویر میں وینکٹیش اور نوازالدین ہاتھ ملارہے ہیں۔ جبکہ آخری تصویر میں نوازالدین نے بھگوان ہنومان کے فوٹو فریم کے سامنے دعا کی۔

ان تصاویر کو شیئر کرتے ہوئے نوازالدین صدیقی نے کیپشن میں لکھا ’’وینکٹیش دگوبتی کی 75 ویں فلم 'سیندھاو' کے ساتھ کولیبوریٹ کرنا کافی شاندار ہے۔ یہ فلم شیلیش کولانوبنارہے ہیں اور میں اپنے تیلگو ڈیبیو کے لئے پر امید ہوں۔‘‘