ویکسین کی دونوں خوراک لینے کے باوجود فلمساز فرح خان کورونا پازیٹو

فرح خان کا کہنا ہے کہ ’’مجھے بہت حیرانی ہو رہی ہے کہ یہ ہوا... شاید میں نے اپنا کالا ٹیکہ نہیں لگایا تھا، کورونا کی دونوں خوراک لینے کے باوجود میں کووڈ پازیٹو پائی گئی ہوں۔‘‘

فرح خان، تصویر آئی اے این ایس
فرح خان، تصویر آئی اے این ایس
user

تنویر

بالی ووڈ کی مشہور و معروف فلمساز و ہدایت کار فرح خان کورونا پازیٹو ہو گئی ہیں۔ قابل ذکر بات یہ ہے کہ انھوں نے کورونا ویکسین کی دونوں خوراک لے لی ہے، اس کے باوجود ان پر کورونا وائرس اثرانداز ثابت ہوا ہے۔ اس بات کی جانکاری فرح خان نے خود سوشل میڈیا پلیٹ فارم کے ذریعہ دی ہے۔ فرح خان نے اپنے کورونا پازیٹو ہونے کی اطلاع دینے کے ساتھ ساتھ یہ بھی کہا ہے کہ جو بھی افراد ان کے قریب آئے ہیں، وہ احتیاط برتیں اور اپنی صحت کا خیال رکھیں۔

فرح خان نے اپنی انسٹا اسٹوری پر کورونا پازیٹو ہونے سے متعلق جانکاری شیئر کی۔ انھوں نے لکھا ہے کہ ’’مجھے بہت حیرانی ہو رہی ہے کہ یہ ہوا... شاید میں نے اپنا کالا ٹیکہ نہیں لگایا تھا۔ کورونا کی دونوں خوراک لینے، اور جنھوں نے دونوں خوراک لے لی ہیں ایسے لوگوں کے ساتھ کام کرنے کے باوجود میں کووڈ پازیٹو پائی گئی ہوں۔ میں نے ان لوگوں کو پہلے ہی اس بارے میں مطلع کر دیا ہے کہ وہ اپنا ٹیسٹ کروا لیں۔‘‘ پھر انھوں نے مزاحیہ انداز میں یہ بھی لکھا کہ ’’لیکن پھر بھی اگر میں کسی کو بھول گئی ہوں (میری بڑھتی عمر اور کم ہوتی یادداشت کی وجہ سے) تو پلیز اپنا ٹیسٹ کروا لیں۔ امید کرتی ہوں کہ جلد صحت یاب ہو جاؤں گی۔‘‘

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔