سلمان خان کو دھمکی آمیز خط کے تعلق سے دہلی پولیس کا بڑا انکشاف

دہلی پولیس نے ایک بڑا انکشاف کیا ہے کہ فلم اداکار سلمان خان کو موصول ہونے والے دھمکی آمیز خط کے معاملے کا ماسٹر مائنڈ راجستھان کے ہنومان گڑھ کا رہنے والا وکرم برار ہے۔

فائل تصویر آئی اے این ایس
فائل تصویر آئی اے این ایس
user

قومی آوازبیورو

فلم اداکار سلمان خان کو موصول ہونے والے دھمکی آمیز خط کا ماسٹر مائنڈ راجستھان کے ہنومان گڑھ کا رہائشی وکرم برار ہے۔ یہ انکشاف دہلی پولیس نے کیا ہے۔ اس کے ساتھ ہی سلمان خان کے گھر کے باہر موصول ہونے والے دھمکی آمیز خط سے متعلق دو مشتبہ ملزمان کے ناموں کا بھی انکشاف کیا گیا ہے۔ ان کے نام سورج اور امسا ہیں۔ لارنس بشنوئی گینگ کے یہ تینوں لوگ راجستھان کے جالور کے رہنے والے ہیں۔ تینوں ممبئی کے کلیان میں ٹھہرے تھے۔

پونے پولیس اداکار سلمان خان کے گھر کے باہر موصول ہونے والے دھمکی کے خط کے سلسلے میں گرفتار ملزم مہاکال سے پوچھ گچھ کر رہی ہے۔ یہ سب سے اہم کردار ہے یایوں کہیں کہ سب سے اہم رازدار ہیں ۔ سیکورٹی ایجنسیوں اور دہلی پولیس کے اعلیٰ سطحی ذرائع کے مطابق دھمکی آمیز خط کے پیچھے تمام کرداروں یا ملزم شوٹروں کی شناخت کر لی گئی ہے۔


راجستھان کا گینگسٹر وکرم برار جو لارنس کا ساتھی بھی ہے، اس وقت دبئی میں بتایا جاتا ہے۔ وہ ایک اہم کڑی ہے، سلمان خان کے گھر کے باہر موصول ہونے والے دھمکی کے خط کا ماسٹر مائنڈ بتایا جاتا ہے۔

واضح رہے سلمان خان کے والدسلیم خان کو یہ دھمکی بھرا خط اس وقت موصول ہوا تھا جب وہ صبح کی واک کے بعد اپنی مخصوص بینچ پر بیٹھنے جا رہے تھے تو ان کے گارڈ نے یہ خط اس بینچ پر دیکھا اور سلیم خان کو دیا ۔ سلیم خان نے اس کی اطلاع پولیس کو دی اور اسی کارروائی کے نتیجے میں یہ نام سامنے آ رہے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔