امیتابھ بچن کی ’کون بنے گا کروڑپتی‘ کے سیٹ پر واپسی

ممبئی: ملک کے عظیم ستارے امیتابھ بچن کا کورونا ٹیسٹ نگیٹو آنے کے بعد انہوں نے مشہور کوئز پر مبنی ریئلٹی شو ’کون بنے گا کروڑ پتی‘ کے سیٹ پر واپسی کی ہے۔ اس کی اطلاع ’بگ بی‘ نے سوشل میڈیا پر اپنے بلاگ کے ذریعے فراہم کی۔

امیتابھ بچن نے بلاگ پر لکھا ’’لکھنے میں تاخیر ہوئی کیونکہ (میں) کام کے پہلے دن کے بعد آرام کرنا چاہتا تھا۔ میں کے بی سی (کون بنے گا کروڑپتی) کے سیٹ پر واپس آ گیا ہوں اور بعد میں تفصیل سے بات کروں گا۔‘‘

خیال رہے کہ کون بنے گا کروڑ پٹی ’ہون وانٹس ٹو بی اے ملینئر؟ کا باضابطہ ہندی ورزن ہے۔ اس شو کے تیسرے سیزر کو چھوڑ کر سال 2000 سے امیبابھ بچن اس کی مسلسل میزبانی کر رہے ہیں۔ تیسرے سیزن میں سپر اسٹار شاہ رخ خان نے اس شو کی میزبانی کی تھی۔

امیتابھ بچن کی مصروفیت پر نظر ڈالیں تو ان کی آنے والی فلم ’برہماستر‘ جلد ہی ریلیز ہونے والی ہے، جس میں رنبیر کپور اور عالیہ بھٹ اہم کرداروں میں ہیں۔ اس کے علاوہ وہ پربھاس اور دیپیکا پادوکون کی اداکاری والی ’پروجیکٹ کے‘، پرینتی چوپڑا اور بومن ایرانی کی اداکاری والی ’اونچائی‘ اور رشمیکا مندانا اور شیوم نارانگ کی اداکاری والی ‘گڈ بوائے‘ اور میں بھی نظر آئیں گے۔