اکشے کمار کی فلم بیل باٹم کا نغمہ ’سکھیاں 2.0‘ ریلیز

فلم ’بیل باٹم‘ میں اکشے کمار، وانی کپور، لارا دتہ اور ہما ​​قریشی مرکزی کردار میں ہیں۔ فلم کا دوسرا نغمہ ’سکھیاں 2.0‘ ریلیز ہو گیا ہے۔

تصویر آئی اے این ایس
تصویر آئی اے این ایس
user

یو این آئی

ممبئی: بالی ووڈ کھلاڑی کمار اکشے کمار کی آنے والی فلم بیل بٹم کا گانا 'سکھیاں 2.0' ریلیز ہو گیا ہے۔ رنجیت ایم تیواری کی ہدایت کاری میں بنی بیل باٹم ایک جاسوسی تھرلر فلم ہے۔ بیل باٹم میں اکشے کمار، وانی کپور، لارا دتہ اور ہما ​​قریشی مرکزی کردار میں ہیں۔ فلم کا دوسرا نغمہ ’سکھیاں 2.0‘ ریلیز ہو گیا ہے۔

اکشے کمار نے سوشل میڈیا اکاؤنٹ سے گانا ریلیز ہونے کی جانکاری دیتے ہوئے لکھا ہے ’سکھیاں 2.0‘ کے جذبہ کا احساس کروانے کا انتظار نہیں کر سکتا۔ یہ گانا آؤٹ ہوچکا ہے۔ اس گانے میں اکشے کے ساتھ وانی کپور کا رومانٹک ڈانس دیکھنے کو مل رہا ہے۔ یہ گانا سکھیاں کا ریمیک ہے جسے منندر بٹر اور زارا خان نے گایا ہے جبکہ گانے کی کمپوزیشن بھی منندر بٹر کی ہے۔


بتایا جا رہا ہے کہ فلم بیل باٹم سال 1984 میں طیارہ ہائی جیک کے ایک حقیقی واقعے پر مبنی ہے۔ مسلسل پانچویں ہائی جیک کے بعد ہندوستانی حکومت نے را کے اس آپریشن کے لیے ایک خفیہ جاسوس کی خدمات حاصل کی تھیں جس کا کوڈ نام بیل باٹم تھا۔ ان ہائی جیکوں میں تقریباً 210 مسافر یرغمال بنائے گئے تھے۔ فلم میں وانی کپور نے اکشے کی بیوی کا کردار ادا کیا ہے، جبکہ ہما قریشی دبئی کے ایک اسپورٹ گروپ کا حصہ بنی ہیں جو اس آپریشن میں ہندوستان کی مدد کرتی ہے۔ اس فلم کو واشو بھگنانی، جیکی بھگنانی، دیپ شیکھا دیشمکھ، مونیشا اڈوانی، مدھو بھوجوانی اور نکھل اڈوانی نے پروڈیوس کیا ہے۔ بیل باٹم 19 اگست کو ریلیز ہوگی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔