شیخ جراح کے مکینوں کو بے دخل کرنے کی کوششیں اسرائیل ترک کر دے: اقوام متحدہ

اقوام متحدہ کی ریلیف اینڈ ورکس ایجنسکے کمشنر جنرل فلپ لزارینی نے کہا کہ لوگوں کو اپنے گھروں کو چھوڑنے پر مجبور کرنا تمام بین الاقوامی قوانین سے متصادم ہے۔

فائل تصویر آئی اے این ایس
فائل تصویر آئی اے این ایس
user

یو این آئی

اسرائیل اور فلسطین کے درمیان جنگ کے بعد تباہ حال غزہ پٹی کی تعمیر نو کے لئے فکر مند اقوام متحدہ کی ریلیف اینڈ ورکس ایجنسی(یو این ڈبلیو آر اے) کے کمشنر جنرل فلپ لزارینی نے اسرائیل پر زور دیا ہے کہ وہ بیت المقدس کے علاقے شیخ جراح سے فلسطینی گھرانوں کو بے دخل کرنے کی کوششیں ترک کر دے۔

انہوں نے یہ بات بدھ کے روز شیخ جراح کے علاقے کا دورہ کرتے ہوئے کہی۔ فلپ نے باور کرایا کہ ان گھرانوں کو اسرائیلی کارروائیوں کے سبب شدید دباؤ کا سامنا ہے۔ انہوں نے مزید کہا کہ وہ شیخ جراح کا معاملہ تمام بین الاقوامی پلیٹ فارمز پر پیش کرنے کا سلسلہ جاری رکھیں گے۔فلپ کے مطابق لوگوں کو اپنے گھروں کو چھوڑنے پر مجبور کرنا یہ تمام بین الاقوامی قوانین سے متصادم ہے۔


واضح رہے کہ شیخ جراح کے علاقے میں گذشتہ ماہ اسرائیلی فورسز اور متعدد فلسطینیوں کے درمیان جھڑپیں دیکھی گئی تھیں۔ یہ صورت حال اسرائیل کی جانب سے علاقے میں بعض جائیدادوں کو خالی کرانے کے فیصلے کے بعد پیدا ہوئی۔ بعد ازاں جھڑپوں کی چنگاری مسجد اقصیٰ کی جانب بھی چلی گئی۔

اس دوران میں پرتشدد واقعات اور جھڑپوں کے نتیجے میں درجنوں فلسطینی جاں بحق اور زخمی ہو گئے۔ اس کے علاوہ اسرائیل اور فلسطین کے درمیان 11 روزہ جنگ ہوئی جس میں ڈَھائی سو سے زائد فلسطینی ہلاک اور ایک ہزار سے زائد ز‘خمی ہوگئے تھے۔ اس لڑائی میں 12اسرائیلی بھی ہلاک ہوئے تھے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


/* */