لبنان میں اسرائیلی فضائی حملے میں دو افراد ہلاک اور دو زخمی

اسرائیل پر حماس کے حملوں کی حمایت میں حزب اللہ کے جنگجوؤں کی طرف سے اسرائیل کی طرف درجنوں راکٹ فائر کیے جانے کے بعد کشیدگی بڑھ گئی۔

<div class="paragraphs"><p>فائل تصویر آئی اے این ایس</p></div>

فائل تصویر آئی اے این ایس

user

یو این آئی

لبنان کے جنوب مشرقی گاؤں الطیب میں شہری عمارتوں پر اسرائیلی فضائی حملوں میں گزشتہ 24 گھنٹوں کے دوران حزب اللہ کے دو جنگجو ہلاک اور دو شہری زخمی ہو گئے ،لبنانی ذرائع نے اتوار کو یہ اطلاع دی۔ سول ڈیفنس اور مسلم اسکاؤٹ ایسوسی ایشن کے سرکاری ذرائع نے بتایا کہ فضائی حملوں میں چار مکانات تباہ اور نو دیگر کو جزوی نقصان پہنچا۔ لبنان کے فوجی ذرائع نے بتایا کہ اسرائیلی جنگی طیاروں نے گزشتہ 24 گھنٹوں کے دوران سرحدی علاقے میں 21 حملے کیے اور جنوبی لبنان کے 25 قصبوں اور گاؤوں پر بھاری توپوں سے گولے داغے۔

اسی دوران اسرائیلی فوج کے ترجمان اویچائی ادرائی نے سوشل میڈیا پلیٹ فارم پر کہا کہ اسرائیلی جنگی جہازوں نے الطیب میں حزب اللہ کی فوجی عمارت اور بلند سطح سے ہوا میں مار کرنےوالے میزائلو کے ذخیرے کے مقام کو تباہ کردیا۔


دریں اثنا، حزب اللہ نے کہا کہ اس کے جنگجوؤں نے یرون اور ایوییم کی اسرائیلی بستیوں اور کئی دیگر اسرائیلی مقامات پر حملہ کیا۔ واضح رہے کہ لبنان اسرائیل سرحد پر 8 اکتوبر سے کشیدگی بڑھ گئی ہے۔ اسرائیل پر حماس کے حملوں کی حمایت میں حزب اللہ کے جنگجوؤں کی طرف سے اسرائیل کی طرف درجنوں راکٹ فائر کیے جانے کے بعد کشیدگی بڑھ گئی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;