تنازعہ کے بیچ سعودی ولی عہد شہزادہ محمد بن سلمان نے لگوایا کورونا کا ٹیکہ

امریکی نو منتخب صدر جو بائیڈن کےبعد اب سعودی عرب کے ولی عہد شہزادہ سلمان نے بھی کورونا ویکسین کی پہلی ڈوز لے لی ہے

سعودی ولی عہد شہزادہ محمد بن سلمان / تصویر بشکریہ ٹوئٹر
سعودی ولی عہد شہزادہ محمد بن سلمان / تصویر بشکریہ ٹوئٹر
user

قومی آوازبیورو

گزشتہ ہفتہ اسرائیل کے وزیر اعظم بنجامن نیتنیاہو اور اس ہفتہ امریکہ کے نو منتخب صدر جو بائیڈن کے کورونا وائرس کا ٹیکہ لگوانے کے بعد اب خبر ہے کہ سعودی عرب کے ولی عہد شہزادہ محمد بن سلمان نے بھی کورونا کی پہلی ڈوز لے لی ہے۔

واضح رہے مسلم ممالک میں کورونا کی اس ویکسین کو لے کر تنازعہ ہے اور وہ اس ویکسین میں جلیٹن کے استعمال کی مخالفت کی جا رہی ہے۔ کہا جا رہا ہے کہ اس ویکسین کو تیار کرنے میں جو جلیٹن استعمال کیا گیا اسے مبینہ طور پر خنزیر سے حاصل کیا گیا ہے۔ سب سے پہلے یہ سوال انڈونیشیا میں اٹھایا گیا تھا جس کے بعد یو اے ای سمیت کئی مسلم ممالک نے اس ویکسین کے استعمال کوصحیح ٹھہرایا تھا۔


ولی عہد شہزادہ سلمان کے ٹیکہ لگوانے کے بعد سعودی عرب کے وزیر صحت توفیق العربیہ نے ان کی تعریف کی۔ انہوں نے کہا کہ شہریوں میں ٹیکہ کاری کے لئے جوش دلانے کے لئے وہ شہزادہ سلمان کے شکر گزار ہیں۔ اس موقع پر انہوں نے برطانیہ کی بھی تعریف کی۔

واضح رہے اس ماہ کی شروعات میں فائزر اور بائیو این ٹیک کی تیار شدہ کورونا کی ویکسین کی پہلی کھیپ سعودی عرب پہنچی تھی۔سعودی عرب میں اب تک 6168 لوگوں کی کورونا سےموت ہو چکی ہے اور وہاں کورونا سے متاثر لوگوں کی تعداد ساڑے تین لاکھ سے زیادہ ہے لیکن وہاں زیادہ تر لوگ ٹھیک ہو چکے ہیں اور اب وہاں صرف 2920 مریض ہی زیر علاج بتائے جا رہے ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 26 Dec 2020, 8:40 AM