سعودی عرب دنیائے عرب کے 'خوش ترین' ممالک میں سر فہرست

ریاض: اگرچہ گذرا سال 'کوویڈ 19' کی وجہ' سے پوری دنیا کے لیے پریشان کن رہا ہے مگر بعض ممالک اس کے باوجود خوش حال رہے ہیں۔ سال 2021ء کیو اقوام متحدہ کی طرف سے جاری کردہ خوش ترین ممالک کی فہرست میں سعودی عرب پوری عرب دنیا میں پہلے اور عالمی سطح پر 21 ویں نمبر پر ہے۔

اقوام متحدہ کی طرف سے کرائی گئی ایک تحقیق کے مطابق فن لینڈ مسلسل چوتھے سال بھی دنیا کے سب سے خوش ترین ممالک کی فہرست میں پہلے نمبر پر ہے۔

اس رپورٹ کے مطابق ڈنمارک دوسرے نمبر پر ہے، جس کے بعد سوئٹزرلینڈ، آئس لینڈ اور ہالینڈ کا نمبر آتا ہے۔ برطانیہ کی درجہ بندی اس سال متاثر ہوئی ہے اور وہ 13ویں نمبر سے گر کر 17ویں نمبر پر چلا گیا ہے جبکہ یورپ سے باہر نیوزی لینڈ وہ واحد ملک ہے جو دس خوش ترین ممالک کی فہرست میں شامل ہے۔

اس فہرست میں متحدہ عرب امارات عالمی سطح پر 27 ویں اور بحرین 35 ویں نمبر پر ہیں۔ دنیا کے خوش ترین ممالک کی فہرست میں ٹاپ 10 یورپی ممالک ہیں جن میں ہالینڈ، ناروے، سویڈن، لکسمبرگ، آسٹریا اور یورپ سے باہر نیوزی لینڈ شامل ہیں۔

اس درجہ بندی کے مطابق دنیا میں افغانستان، لیسوتھو، بوٹسوانا، روانڈا اور زمبابوے کے لوگ سب سے زیادہ ناخوش ہیں۔ ہندوستان بھی ناخوش ممالک میں شامل ہے اور اس کا عالمی سطح پر 139 واں نمبر ہے۔ جبکہ پاکستان 105 ویں مقام پر موجود ہے۔