سعودی عرب کا 14 ہزار کلومیٹر طویل نیا ریلوے نیٹ ورک تعمیر کرنے کا اعلان

سعودی حکومت مملکت بھرمیں 14ہزارکلومیٹر طویل ریلوے نیٹ ورک تعمیرکرے گا۔ سعودی عرب کے وزیر برائے سرمایہ کاری خالد الفالح نے الریاض میں منعقدہ معدنیات فورم میں اس نئے منصوبہ کا اعلان کیا ہے۔

انھوں نے کہا کہ نیا ریلوے ٹریک ملک بھر میں بچھایا جائے گا اور اس کو موجودہ نیٹ ورک سے مربوط کیا جائے گا۔ انہوں نے کہا کہ ان کی وزارت نئے سرمایہ کاری قانون پر کام کر رہی ہے۔اس میں ملکی اور بین الاقوامی سرمایہ کاروں کی ضروریات اور احتیاجات کا احاطہ کیا جائے گا۔

خالد الفالح نے کہا ’’نئی ریل لائن مملکت کا احاطہ کرے گی اور ہمارے پاس پہلے سے موجود نیٹ ورک کو مضبوط بنائے گی۔ اس کے لئے وزارت سرمایہ کاری ایک نئے قانون پر کام کر رہی ہے جو سرمایہ کاروں کی ضروریات کو پورا کرے گا۔ مید ہے کہ اس سال قانون کا اطلاق ہو جائے گا۔‘‘