رمضان کے آخری عشرے میں الحرمین الشریفین کی جراثیم کش مواد سے تطہیر

اس موقع پر ڈاکٹر السدیس نے خدماتی انتظامیہ کے ساتھ الحرمین الشریفین میں تمام احتیاطی اقدامات اور تطہیر کے منصوبوں کے علاوہ رمضان کے آخری عشرے کے سلسلے میں تیاریوں کا بھی جائزہ لیا

تصویر سوشل میڈیا
تصویر سوشل میڈیا
user

قومی آوازبیورو

الحرمین الشریفین کے امور کے سربراہ عام ڈاکٹر عبدالرحمن السدیس نے رمضان مبارک کے آخری عشرے کے لیے مسجد حرام کے اندر احتیاطی اقدامات اور جراثیم کش مواد کے ذریعے تطہیر کے منصوبوں کا افتتاح کیا۔ اس دوران الحرمین الشریفین کی جراثیم کش مواد سے تطہیر اور خوشبو سے مہکانے کا سلسلہ جاری رہے گا۔

رمضان کے آخری عشرے میں الحرمین الشریفین کی جراثیم کش مواد سے تطہیر

اس موقع پر ڈاکٹر السدیس نے خدماتی انتظامیاں کے ساتھ الحرمین الشریفین میں تمام احتیاطی اقدامات اور تطہیر کے منصوبوں کے علاوہ رمضان کے آخری عشرے کے سلسلے میں تیاریوں کا بھی جائزہ لیا۔ شیخ السدیس نے مطالبہ کیا کہ خدماتی معیار کو یقینی بنانے کے لیے متعلقہ اداروں کے تعاون سے تمام احتیاطی اقدامات پر عمل درامد کیا جائے، تا کہ حرمین شریفین کے اندر اعلی ترین خدمات پیش کیے جانے کے حوالے سے ہمارے حکم رانوں کی امیدوں اور توقعات کو پورا کیا جا سکے۔

رمضان کے آخری عشرے میں الحرمین الشریفین کی جراثیم کش مواد سے تطہیر

مسجد حرام اور مسجد نبوی کے امور کی جنرل پریذیڈنسی کے سرکاری ترجمان ہانی حیدر کے مطابق پریذیڈنسی نے رمضان کے ابتدائی بیس روز کے دوران الحرمین الشریفین میں بھرپور احتیاطی تدابیر اور حفاظتی اقدامات کیے۔ ان میں نمازیوں کے بیچ سماجی فاصلے پر عمل، مسجد حرام میں اذان کے مقام (مکبریہ) کی روزانہ سات مرتبہ دھلائی اور جراثیم کش مواد سے تطہیر اور تمام کارکنان اور ملازمین کے حوالے سے انکشاف کے احتیاطی اقدامات شامل ہیں۔

ترجمان نے مزید بتایا کہ پریذیڈنسی نے حرم شریف کے دروازوں پر تھرمل کیمرے نصب کیے ہیں جو خود کار طریقے سے انسانوں کے درجہ حرارت کی جانچ کرتے ہیں۔ یہ کیمرے چوبیس گھنٹے کام کر رہے ہیں۔

(العربیہ ڈاٹ نیٹ)

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 13 May 2020, 6:40 PM