مکہ مکرمہ: ڈیولپمنٹ پروگرام کے تحت 600 املاک مسمار

جلال بن عبد الجلیل کعکی‌ نے بتایا کہ النکاسہ کالونی میں جاری ترقیاتی منصوبہ 12 مراحل پر مشتمل ہے جس کے چھ مراحل مکمل ہو چکے ہیں۔ ترقیاتی کام دن و رات جاری ہے۔

مکہ المکرمہ: ڈیولپمنٹ پروگرام کے تحت 600 املاک مسمار
مکہ المکرمہ: ڈیولپمنٹ پروگرام کے تحت 600 املاک مسمار
user

قومی آوازبیورو

مکہ المکرمہ ریجن ڈیولپمنٹ اتھارٹی کے ترجمان انجینئر جلال بن عبدالجلیل کعکی نے کہا ہے کہ مکہ مکرمہ میں النکاسہ کے مقام پر ترقیاتی منصوبے کے تحت چھ سو کے قریب املاک کو مسمار کیا گیا ہے۔ انہوں‌ نے بتایا کہ النکاسہ کالونی میں جاری ترقیاتی منصوبہ 12 مراحل پر مشتمل ہے جس کے چھ مراحل مکمل ہو چکے ہیں۔ ترقیاتی کام دن و رات جاری ہے۔

کعکی نے العربیہ ڈاٹ نیٹ کو بتایا کہ ترقیاتی منصوبے خواہ النکاسہ میں ہوں یا الکدوا میں ہو، وہ مقدس دارالحکومت میں ترقیاتی منصوبوں کا حصہ ہیں۔ اس کا مقصد تعمیراتی منصوبوں کی جلد تکمیل ہے تاکہ شہری رہائش، نقل و حمل کے نیٹ ورک، عوامی خدمات اور معاشرتی اور معاشی سرگرمیاں کے مواقع سے فائدہ اٹھا سکیں۔

مکہ مکرمہ ہسٹری سنٹر کے ڈائریکٹر جنرل ڈاکٹر فواز الدہاس نے العربیہ ڈاٹ نیٹ کو بتایا کہ قوز النکاسہ جنوبی مکہ مکرمہ میں واقع ہے۔ یہ علاقہ ماضی میں قافلوں کا داخلی راستہ ہوا کرتا تھا۔ اسے قوز النکاس کا نام اس کے ریتلے پن کی وجہ سے دیا گیا۔ تاہم بعد میں یہ ایک گنجان آباد شہر میں تبدیل ہو گیا۔

(العربیہ ڈاٹ نیٹ)

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 27 Aug 2020, 1:35 PM