ایرانی پارلیمنٹ نے آبنائے ہرمز بند کرنے کی منظوری دے دی

اسرائیل کے ساتھ جاری جنگ کے درمیان امریکہ نے اتوار کو ایران پر حملے کئے ہیں۔ امریکی B-2 بمبار طیاروں نے ایران کے تین جوہری اڈوں پر بنکر بسٹر بموں سے حملہ کیا ہے۔ امریکی حملے کے بعد اب ایرانی پارلیمنٹ نے بڑا فیصلہ کرلیا۔

درحقیقت ایرانی پارلیمنٹ نے امریکی حملے کے بعد بین الاقوامی راہداری ہورمز کو بند کرنے کا فیصلہ کیا ہے۔ ایران کے اس فیصلے سے دنیا بھر کے ممالک کی معیشتیں متاثر ہوگی۔ اس سے دنیا بھر میں تیل کی قیمتوں میں بھی اضافہ ہوگا۔ اس کے لیے دیگر کئی چیزوں کی قیمتیں بھی بڑھیں گی۔

ہورمز بحیرہ فارس اور خلیج عمان کے درمیان مال بردار بحری جہازوں کے لیے مختصر ترین سمندری راستہ ہے۔ دنیا کی تیل اور گیس کی تقریباً 20 فیصد تجارت اسی راستے سے ہوتی ہے۔ ایسی صورت حال میں اگر یہ راستہ بند ہو جاتا ہے اور کارگو جہاز اپنی منزل تک درآمد اور برآمد کرنے کے لیے اپنا روٹ تبدیل کرتے ہیں تو اس سے ٹرانسپورٹیشن چارج بڑھ جائے گا اور روٹ کو کور کرنے میں بھی زیادہ وقت لگے گا۔

ایران کے اس فیصلے کے اثرات دنیا بھر کے ممالک پر نظر آئیں گے، کیونکہ اس سے عالمی معیشت متاثر ہوگی۔ ایسے میں امریکہ اور اسرائیل ہر قیمت پر فضائی دفاع کے ذریعہ ہورمز کوریڈور کو کھلا رکھنے کی کوشش کریں گے۔ اس کے ساتھ ساتھ یورپی ممالک بھی اقتصادی عدم استحکام کے خدشے کے پیش نظر ہورمز کوریڈور کو کھلا رکھنے کے حق میں آ جائیں گے۔

ایرانی پارلیمنٹ کی جانب سے خلیج ہورمز کو بند کرنے کا فیصلہ نہ صرف اس جنگ کا دائرہ بڑھا دے گا بلکہ اسے مزید گھمبیر بنا دے گا۔ دوسری جانب یمن میں حوثی باغیوں نے بھی سمندر میں اسرائیلی اور امریکی مال بردار جہازوں کو نشانہ بنانے کی وارننگ دی ہے۔

تاہم ایران کے سرکاری نیوز چینل نے اتوار کو اپنی رپورٹ میں کہا کہ ایران کی پارلیمنٹ نے ہورمز کوریڈور کو بند کرنے کے فیصلے کی منظوری دے دی ہے۔ اب یہ فیصلہ حتمی منظوری کے لیے ایران کی سپریم نیشنل سیکیورٹی کونسل میں پہنچ گیا ہے۔ اگر سلامتی کونسل اس فیصلے سے اتفاق کرتی ہے تو ہورمز کوریڈور بند کر دیا جائے گا۔