سعودی عرب میں 10 دن تک سردی کی شدید لہر کی وارننگ

سعودی عرب میں محکمہ موسمیات کے ماہرین نے ملک بھر میں آئندہ دس روز تک سردی کی شدید لہر کی وارننگ جاری کی ہے

علامتی تصویر / بشکریہ اے بی سی ڈاٹ نیٹ
علامتی تصویر / بشکریہ اے بی سی ڈاٹ نیٹ
user

قومی آوازبیورو

الریاض: سعودی عرب میں محکمہ موسمیات کے ماہرین نے ملک بھر میں آئندہ دس روز تک سردی کی شدید لہر کی وارننگ جاری کی ہے۔ ماہر موسمیات حسن کرانی نے ٹویٹر پر پوسٹ کردہ ایک بیان میں‌ کہا کہ جمعرات کی شام سے آئندہ دس روز تک ملک شدید سردی کی لپیٹ میں رہے گا۔ انہوں نے عوام پر سردی سے بچائو کے لیے حفاظتی انتظامات کی ضرورت پر زور دیا۔

قطبی سیاح نے 'میں سفر میں‌ ہوں' کے عنوان سے لکھا ہے کہ جمعرات کی شام سے سعودی عرب کی فضا شدید سردی کی لپیٹ میں آ رہی ہے۔ 14 جنوری سے 24 جنوری تک ملک کے شمالی علاقوں میں بارش، برف باری، ٹھنڈی ہوائوں‌ کے چلنے اور سردی کی لہر میں اضافے کا خدشہ ہے۔


سعودی عرب میں موسمیاتی کمیٹی کے رکن عبدالعزیز الحصینی نے ایک بیان میں کہا کہ گذشتہ دو روز کے دوران ملک میں درجہ حرارت میں تین سے پانچ درجے کا اضافہ ہوا تھا۔ آئندہ ہفتے سے مملکت میں بعض مقامات پر درجہ حرارت تین سے پانچ درجے سینٹی گریڈ کمی کا امکان ہے۔

ان کا کہنا تھا کہ آنے والے دونوں میں ملک کے بعض شہروں تبوک، مدینہ منورہ، شمالی علاقوں، الجوف، مکہ، ساحلی علاقوں، حائل، القصیم میں بارشوں اور ٹھنڈی ہوائیں چلنے کا امکان ہے۔

بشکریہ العربیہ ڈاٹ‌ نیٹ

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔