یمن کے دارالحکومت میں گیس ڈپو میں دھماکہ

یمن کے دارالحکومت صنعاء میں حوثی باغیوں کے زیر قبضہ گیس اسٹیشن میں اتوار کی رات دھماکہ بھیانک آگ لگ گئی۔

حکام اور عینی شاہدین نے بتایا کہ دھماکہ مفزیر گیس اسٹیشن پر ہوا جو دارالحکومت کے شمال مشرقی علاقے میں الخرافی فوجی کیمپ کے سامنے واقع ہے۔ باغی حوثی فورس نے علاقے کو گھیرے میں لے لیا ہے۔ واقعہ کی اطلاع ملتے ہی سول ڈیفنس کی ٹیمیں موقع پر پہنچ گئیں۔

عینی شاہدین کا کہنا ہے کہ دھماکہ کی زوردار آواز پورے شہر میں سنی گئی۔ اس کے بعد لگنے والی آگ میلوں دور سے دکھائی دے رہی تھی۔ فی الحال کسی جانی نقصان کی کوئی خبر نہیں ہے۔ حوثی گروپ نے اپنے بیان میں کہا کہ آگ ممکنہ طور پر اسٹیشن پر بجلی کے شارٹ سرکٹ کی وجہ سے لگی، جس کی وجہ سے اسٹیشن کے صحن میں گیس کا ٹریلر دھماکے سے پھٹ گیا۔ آگ پھیلنے کے خدشے کے پیش نظر آس پاس کے مکانات کے باشندوں نے اپنے گھر خالی کر دیے ہيں۔