'اسرائیل فلسطین تنازعہ روکنے کے لیے ترکیہ اپنا کردار ادا کرنے کے لئے تیار ہے'

ترکی کے صدر رجب طیب اردگان نے کہا کہ ترکیہ اسرائیل فلسطین تنازعہ کو روکنے اور بڑھتی ہوئی کشیدگی کو کم کرنے کے لیے اپنا کردار ادا کرنے کے لیے تیار ہے۔

مسٹر اردگان نے استنبول میں سیریاک آرتھوڈوکس چرچ کے افتتاح کے موقع پر کہا کہ "ترکی جلد از جلد جھڑپوں کو روکنے اور حالیہ واقعات کی وجہ سے بڑھتی ہوئی کشیدگی کو کم کرنے کے لئے بہترین کوشش کے لئے تیار ہے۔"

انہوں نے کہا کہ فلسطین- اسرائیل تنازع اس خطے کے مسائل کی جڑ ہے اور دیرپا امن حتمی حل سے ہی ممکن ہے۔ انہوں نے کہا کہ ہم امن کی بحالی کے لیے اپنی سفارتی کوششوں کو تیز کرنے اور جاری رکھنے کے لیے پرعزم ہیں۔ انہوں نے متحارب فریقوں پر زور دیا کہ وہ ایسے اقدامات کرنے سے گریز کریں جس سے کشیدگی بڑھے اور مسئلہ مزید گہرا ہو۔

مسٹر اردگان نے کہا کہ اس مسئلے کو بین الاقوامی قانون کے مطابق حل کیا جانا چاہیے تاکہ خطے میں پائیدار امن و استحکام حاصل ہو سکے۔