غزہ: لڑائی میں اقوام متحدہ کے 89 اہلکار ہلاک

حماس اور اسرائیل کے درمیان جاری تنازعہ میں اقوام متحدہ (یو این) کے 89 امدادی کارکن مارے گئے ہیں، جو کہ تاریخ میں کسی بھی لڑائی میں ہلاک ہونے والے اقوام متحدہ کے کارکنوں کی سب سے زیادہ تعداد ہے۔

فلسطینی پناہ گزین کے لئے اقوام متحدہ کی ریلیف اینڈ ورکس ایجنسی (یو این آر ڈبلیو اے) نے منگل کو یہ اطلاع دی۔ یو این آر ڈبلیو اےنے حماس اور اسرائیل کے درمیان جاری تنازع پر اپنی تازہ ترین رپورٹ میں کہا ہے کہ 7 اکتوبر سے غزہ پٹی میں تقریباً 10.50 لاکھ افراد بے گھر ہو چکے ہیں، تقریباً 7,25,000 افراد غزہ کے سبھی 149 یو این آر ڈبلیو اے کے اداروں میں پناہ لے رہے ہیں۔

اقوام متحدہ کی رپورٹ کے مطابق گزشتہ 24 گھنٹوں کے دوران، غزہ کے شمال میں یو این آر ڈبلیو اے کا ایک اسکول حملہ کی زد میں آیا، جس کے نتیجے میں اسکول میں پناہ لینے والے اندرونی طور پر بے گھر افراد (آئی دی پی) میں سے ایک شخص کی موت اور نو زخمی ہوگئے۔

انسانی امور کے رابطہ کے لئےاقوام متحدہ کے دفتر کے مطابق، غزہ میں اقوام متحدہ کی تنصیبات میں زیادہ بھیڑ بھاڑ اب ایک بڑی تشویش بنی ہوئی ہے۔ خان یونس ٹریننگ سینٹر میں، جہاں 22,000 بے گھر افراد پناہ لے رہے ہیں۔ فی شخص دو مربع میٹر سے کم جگہ اور ہر 600 افراد کے لیے ایک بیت الخلا ہے۔