غیر مجاز طریقے سے مسجد حرام میں داخل ہونے کی کوشش کے 87 واقعات

الریاض: حج سیکورٹی کمانڈ کےسربراہ بریگیڈیئر سامی الشویرخ نے بتایا ہے کہ حج کے ایام میں کچھ لوگوں کو غیر مجاز طریقے سے مسجد حرام، مشاعر مقدسہ یا مسجد کے مرکزی احاطے میں داخل ہونے کی کوشش کے دوران روکا گیا ہے۔

ان کا کہنا تھا کہ حج سیزن 1442ھ کے دوران غیر مجاز طریقے سے مسجد حرام اور مشاعر مقدس میں گھنسے کی کوشش کے 87 واقعات رپورٹ ہیں جن کے خلاف کارروائی کی ہے۔ انہوں نے بتایا کہ غیر مجاز طریقے سے مسجد حرام میں گھسنے والے افراد کے خلاف قانون کے مطابق کارروائی کی اور انہیں فی کس 10 ہزار ریال جرمانہ کیا گیا۔

بریگیڈیئر الشویرخ نے شہریوں اور غیرملکیوں سے اپیل کی کہ وہ حج کےایام میں مسجد حرام اور مقامات مقدسہ میں داخلے کے لیے وضع کردہ طریقہ کار عمل کریں اور غیر مجازطریقے سے حرم مکی میں داخلے سے بچیں۔ ان کا کہنا تھا کہ 13 ذی الحج تک بغیر پیشگی اجازت کے کسی کو مسجد حرام میں داخلے کی اجازت نہیں۔

بشکریہ العربیہ ڈاٹ نیٹ