اسرائیلی حملوں میں 126 فلسطینی شہید ،830 زخمی ، اسپتالوں میں زخمیوں کی گنجائش ختم

غزہ کی پٹی میں اسپتال زخمیوں سے بھر گئے ہیں اور ان کے پاس مزید زخمیوں کےعلاج کے لیے گنجائش نہیں رہی ہے۔

غزہ میں اسرائیلی بمباری کے بعد کا منظر
غزہ میں اسرائیلی بمباری کے بعد کا منظر
user

قومی آوازبیورو

پانچ دن سے اسرائیل کے فضائی حملے جاری ہیں اور اقوام متحدہ سمیت پوری دنیا خاموش ہے۔ غزہ میں اسارئیلی حملوں کے نتیجے میں اب تک 126 افراد شہید ہو چکے ہیں اور 830 افراد زخمی ہو گئے ہیں۔حماس بھی جوابی کارروائی میں راکٹ داغ رہا ہے ۔ فلسطین کے علاقے غزہ کی پٹی میں حماس اور اسرائیلی فوج کے درمیان گھمسان کی لڑائی جاری ہے۔ حماس کے راکٹ حملوں میں آٹھ اسرائیلی ہلاک ہو ئے ہیں۔

اسرائیل میں ہلاک ہونے والے کی میت
اسرائیل میں ہلاک ہونے والے کی میت
آئی اے این ایس

دوسری جانب العربیہ اور الحدث ٹی وی چینلوں‌ کے نامہ نگاروں کے مطابق جمعہ کے روز غزہ کی سرحد پر اسرائیلی فوج کی بڑی تعداد کو غزہ کی سرحد پر جاتے دیکھا گیا ہے۔ اسرائیلی فوج نے جمعہ کے روز جنوبی غزہ میں خان یونس کے مقام پر کئی مقامات پر بمباری کی ہے۔اسرائیلی فوج نے غزہ کی پٹی میں بندرگاہ کے قریب پولیس کے ہیڈ کواٹر پر بنباری کی ہے۔

العربیہ ڈاٹ نیٹ پر شائع خبر کے مطابق غزہ کی پٹی میں اسپتال زخمیوں سے بھر گئے ہیں اور ان کے پاس مزید زخمیوں کےعلاج کے لیے گنجائش نہیں رہی ہے۔

اسرائیل نے بڑی تعداد میں‌فوج غزہ کی سرحد پر پہنچا دی ہے جس کے بعد کسی بھی وقت زمینی کارروائی شروع ہوسکتی ہے۔ خبر رساں ادارے 'اے پی' کے مطابق غزہ کی شمالی سرحد پر اسرائیلی فوج نے بھاری توپ خانہ اور ٹینک منتقل کردیے ہیں جس کے بعد کسی بھی وقت بری کارروائی شروع ہوسکتی ہے۔

غزہ پر بمباری
غزہ پر بمباری
آئی اے این ایس

ادھر دوسری جانب غزہ کی پٹی سے فلسطینی مزاحمت کاروں‌نے یہودی کالونیوں‌پر متعدد راکٹ داغے ہیں۔العربیہ کے نامہ نگار کے مطابق گذشتہ شب حماس کی طرف سے اسرائیلی علاقوں پر 200 راکٹ داغے گئے ہیں۔

اسرائیلی فوج نے کہا ہے کہ گذشتہ سوموار سے اب تک غزہ کی پٹی سے 2 ہزار گولے یا راکٹ داغے گئے ہیں۔ (العربیہ ڈاٹ نیٹ پر شائع خبر کے انپٹ کےساتھ)

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔