ملک میں کورونا بحران کے درمیان آج سے 200 ٹرینوں کے لیے بکنگ شروع ہو گئی۔ ٹکٹ بکنگ کا عمل آج صبح 10 بجے سے ہی شروع ہوا۔ ریلوے نے مزدور اسپیشل ٹرینوں کے علاوہ یکم جون سے 200 غیر اے سی ٹرینوں کو چلانے کا فیصلہ کیا ہے۔ ان ٹرینوں کے لئے ٹکٹ کی بکنگ صرف آن لائن کی جا سکتی ہے۔ واضح رہے ابھی تک غیر اے سی ٹرینوں کو چلانے کی اجازت نہیں تھی۔ بکنگ شروع ہونے کے چند گھنٹوں میں ہی لاکھوں کی بکنگ ہو گئی۔ اس سے اندازہ ہوتا ہے کہ بڑی تعداد میں لوگ ٹرینوں کے شروع ہونے کا انتظار کر رہے ہیں۔
Published: undefined
ہندوستان کے سابق وزیر اعظم راجیو گاندھی کو ان کے یوم وفات پر پورا ملک خراج عقیدت پیش کر رہا ہے۔ آج ہی کے دن تمل ناڈو کے شری پیرمبدور میں 21 مئی 1991 کو ایک خودکش بم دھماکے میں راجیو گاندھی کا قتل کر دیا گیا تھا۔ سابق وزیر اعظم راجیو گاندھی نے اپنے سائنسداں دوست سیم پترودا کے ساتھ مل کر ملک میں کمپیوٹر انقلاب لانے کی سمت میں بڑا کام کیا تھا۔ سیم پترودا نے راجیو گاندھی کو یاد کرتے ہوئے تسلیم خان کے ساتھ خصوصی گفتگو میں کہا کہ "راجیو گاندھی نے ملک کو بہت بڑا تعاون پیش کیا ہے۔ ان کی سیاسی قیادت میں ملک آگے بڑھا۔ انھوں نے اپنے دور میں تکنیک کو فروغ دینے کے لیے ہر ممکن اقدام کیے۔ نوجوانوں کی طاقت اور صلاحیت کو پہچان کر راجیو گاندھی نے ملک کو آگے بڑھایا۔" سیم پترودا نے کہا کہ اگر آج راجیو گاندھی ہوتے تو وہ کورونا کی اس لڑائی میں ٹیسٹنگ پر سب سے زیادہ زور دیتے۔ انہوں نے بتایا کہ راجیو گاندھی کے ساتھ ان کی پہلی ملاقات اندرا گاندھی کے دفتر میں ہوئی تھی اور پہلی ہی ملاقات میں ہمارے رشتہ بن گئے تھے۔
Published: undefined
ہندوستان کے سابق وزیر اعظم راجیو گاندھی کی 29ویں برسی کے موقع پر چھتیس گڑھ حکومت نے راجیو گاندھی کسان نیائے یوجنا کا افتتاح کیا۔ ویڈیو کانفرنسنگ کے ذریعہ کانگریس صدر سونیا گاندھی اور راہل گاندھی اس تاریخی لمحہ کے گواہ بنے۔ اس موقع پر راہل گاندھی نے کہا کہ کورونا بیماری سے ملک کے باشندوں کو پریشانیوں کا سامنا کرنا پڑ رہا ہے۔ اس سے ہمیں تکلیف پہنچ رہی ہے۔ اس بیماری میں سب سے زیادہ درد دلت لوگوں کو ہی ہو رہا ہے۔ انھوں نے کہا کہ ہم سب مل کر اس بیماری کے خلاف لڑیں گے اور جیتیں گے۔
Published: undefined
امریکہ کے صدر ڈونالڈ ٹرمپ نے انتخابات میں میل کے ذریعے ووٹنگ کی منصوبہ بندی کے معاملے پر مشی گن اور نیوادا صوبوں کی فنڈنگ روکنے کی دھمکی دی ہے۔ ڈونالڈ ٹرمپ نے اس سلسلے میں ٹوئٹ کرکے دعوی کیا کہ مشی گن لاکھوں لوگوں کے لئے غیر قانونی طریقے سے خالی بیلٹ ایپلی کیشن بھیج رہا ہے اور نیوادا ’’میل بیلٹ درخواستوں کے ذریعہ غیر قانونی ووٹ ’بھیج کر‘ بڑے پیمانے پر ووٹروں کی دھوکہ دہی کا منظر‘‘ تیار کر رہا ہے۔
ٹرمپ نے وائٹ ہاؤس میں صحافیوں سے خطاب کرتے ہوئے کہا کہ ’’میل میں بیلٹ درخواست بھیجنا بہت خطرناک چیز ہے۔ یہ بڑے پیمانے پر دھوکہ دہی کا معاملہ ہے‘‘۔ ادھر، مشی گن کی وزیر خارجہ جوسلن بینسن نے ٹرمپ کے الزامات کو غلط قرار دیا اور ٹوئٹ کرکے کہا ہے کہ ’’مشی گن کے ہر شہری نے میل کے ذریعے اپنے ووٹ کا حق استعمال کیا ہے‘‘۔
Published: undefined
Published: undefined
کورونا وائرس انفیکشن کی وجہ سے پوری دنیا پریشان ہے اور ابھی تک اس کا نہ تو کوئی علاج سامنے آ سکا ہے اور نہ ہی ویکسین بازار میں دستیاب ہے۔ بچے، جوان، ضعیف سبھی اس انفیکشن کی وجہ سے موت کے شکار ہو رہے ہیں۔ اس درمیان جنوبی افریقہ سے ایک افسوسناک خبر سامنے آئی ہے، جہاں محض دو دن کا ایک بچہ کورونا انفیکشن کی وجہ سے ہلاک ہو گیا۔ یہ کورونا سے ہلاک ہونے والا غالباً دنیا کا سب سے کم عمر بچہ ہے۔
Published: undefined
قومی آواز کے قارئین و ناظرین سے ضروری گزارش، لاک ڈاؤن کے ضوابط کی پابندی ضرور کریں۔ شکریہ
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: سوشل میڈیا