فٹبال کے ایک دور کا اختتام! اسٹار کھلاڑی لیونیل میسی کی ’بارسلونا کلب‘ کو الوداع

بارسلونا: اسٹار فٹبال اسٹرائیکر میسی اور عالمی شہرت یافتہ فٹبال کلب ایف سی بارسلونا کے درمیان 21 برس لمبا رشتہ اب ختم ہو گیا ہے کلب نے اپنے آفیشیل ویب سائٹ پر میسی کے کلب سے باہر ہونے کی تصدیق کی ہے۔ اس کے ساتھ ہی میسی اور بارسیلونا کلب کی وابستگی کے ایک دورہ کا اختتام ہو گیا۔

بارسیلونا کلب نے ایک بیان میں کہا، ’’کلب اور لیونیل میسی کے درمیان نیا معاہدہ عمل میں نہیں آ سکا۔ دونوں فریقوں کے واضح ارادے کے باوجود ہم معاشی اور ڈھانچہ جاتی رکاوٹ (اسپینش لالیگا ضابطہ) کے سبب معاہدے کو رسمی شکل دینے میں ناکام رہے۔ اس صورتحال کے پیش نظر لیو میسی ایف سی بارسیلونا کے ساتھ اپنے رشتے کو جاری نہیں رکھیں گے۔‘‘

کلب کی جانب سے مزید کہا گیا کہ دونوں فریقوں کو اس بات کا افسوس ہے کہ بالآخر وہ ایک دوسرے کے ارادوں کو پور ا نہیں کر پائے۔ کلب کی بہتری میں میسی کی حصہ داری کے لیے ہم ان کا شکریہ ادا کرتے ہیں اور ان کی ذاتی اور پیشہ ورانہ زندگی میں بہتری کی دعا کرتے ہیں۔

خیال رہے کہ میسی نے بارسیلونا کے ساتھ کامیابی کی نئی بلندیوں کو چھوا ہے۔ انہوں نے کئی گھریلو اور بین الاقوامی خطاب اپنے نام کئے ہیں۔ میسی نے گزشتہ سیشن کے آخر میں ہی کل کو خیرباد کہنے کی خواہش کا اظہار کیا تھا لیکن اس وقت کے صدر جوزف بارتوم نے اسے خارج کر دیا تھا۔