یہ واقعہ جرمن صوبے نارتھ رائن ویسٹ فیلیا کے شہر ڈورٹمنڈ میں ہفتے اور اتوار کی درمیانی شب پیش آیا اور دونوں ملزمان کی عمریں سولہ سولہ سال بتائی گئی ہیں۔
Published: undefined
پولیس نے بتایا کہ ان نوجوانوں نے دیکھا کہ ایک بےگھر شہری ایک سڑک کے کنارے سویا ہوا تھا اور اس کے سامنے رکھے ہوئے گتے کے ایک کپ میں تقریباﹰ دس یورو سکوں کی صورت میں پڑے تھے۔
Published: undefined
ان لڑکوں نے پہلے تو اس سوئے ہوئے شخص کو جگایا اور پھر بظاہر اصلی نظر آنے والی اپنی نقلی پستول کا رخ اس کی طرف کر کے ایک پٹاخہ چلا دیا، جس سے یہ شخص ڈر گیا۔
Published: undefined
پولیس نے اتوار تیئیس اگست کے روز بتایا کہ یہ دونوں نوجوان اس بے خانماں آدمی کے سامنے رکھے ہوئے پیپر کپ سے سکے نکال کر اپنے الیکٹرک رولر پر سوار ہو کر موقع سے فرار ہو گئے تھے۔
Published: undefined
موقع پر موجود چند افراد نے جب یہ منظر دیکھا تو فوراﹰ پولیس کو اطلاع کر دی۔ کچھ ہی دیر بعد پولیس نے ان دونوں نابالغ ملزموں کو پکڑ لیا مگر وہ مزاحمت پر اتر آئے تھے۔
Published: undefined
بتایا گیا ہے کہ ان دونوں نوجوانوں کا رویہ کافی جارحانہ تھا اور بعد میں پتا چلا کہ وہ پہلے بھی ڈورٹمنڈ شہر میں عام لوگوں کو ڈرا کر ان سے چھوٹی موٹی رقوم چھین لینے کی چند وارداتوں کے مرتکب ہو چکے تھے۔
Published: undefined
اس پر پولیس انہیں ہتھکڑیاں پہنا کر مقامی تھانے میں لے گئی، جہاں ان کے خلاف مقدمہ درج کر لیا گیا۔ اب انہیں عدالت میں اپنے خلاف کارروائی کا سامنا کرنا ہو گا۔
Published: undefined
ان سے برآمد کیے گئے تقریباﹰ دس یورو کے سکے پولیس نے اس بےگھر شخص کو لوٹا دیے جس سے وہ چھینے گئے تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined