ترک حکومت نے غیر ملکیوں کے لیے ترک شہریت حاصل کرنے کے قوانین میں چند تبدیلیاں کی ہیں۔ اب غیر ملکی افراد بینک ڈیپازٹ، سرمایہ کاری یا پراپرٹی خرید کر ترکی کی شہریت حاصل کر سکتے ہیں۔
Published: undefined
نئے قوانین کے تحت غیر ملکی شہری صرف تین سال کے لیے پانچ لاکھ ڈالر جمع کروا کر، انہیں ترک لیرا میں تبدیل کر کے ملکی شہریت حاصل کر سکتے ہیں۔ نئے ضوابط میں یہ بھی کہا گیا ہے کہ جو غیر ملکی ترکی میں کم از کم ڈھائی لاکھ امریکی ڈالر کی جائیداد خریدیں گے، وہ بھی ترک شہریت حاصل کر سکیں گے۔ تاہم وہ جائیداد تین سال سے قبل فروخت نہیں کر سکیں گے۔
Published: undefined
اسی طرح بینک ڈیپازٹ کی صورت میں بھی پانچ لاکھ امریکی ڈالر جمع کرا کر انہیں مقامی کرنسی لیرا میں تبدیل کرانا ہو گا۔ یہ رقم بھی کم از کم تین سال کی مدت کے لیے ترکی میں رہنی چاہیے۔
Published: undefined
یہ فیصلے ترک لیرا کو مستحکم رکھنے کے لیے کیے گئے ہیں۔ گزشتہ ماہ امریکی ڈالر کے مقابلے میں ترک لیرا کی قدر کم ہو گئی تھی۔ تاہم صدر ایردوآن کی جانب سے متعدد اقدامات کے بعد ترک لیرا اپنی شرح تبادلہ کو دوبارہ 25 فیصد تک بہتر بنانے میں کامیاب رہا تھا۔
Published: undefined
ترک لیرا کی قدر میں کمی کے باعث غیر ملکیوں نے ترکی میں جائیداد خریدنے میں دلچسپی لینا شروع کر دی تھی۔ نیوز ایجنسی روئٹرز کے مطابق گزشتہ برس کے اختتام پر ترکی کی ہاؤسنگ مارکیٹ میں تیزی کی بڑی وجہ لیرا کی قدر میں کمی رہی تھی۔
Published: undefined
ترکی نے سن 2017 میں پراپرٹی خریدنے کے بدلے شہریت حاصل کرنے کی اسکیم متعارف کرائی تھی۔ ابتدا میں جائیداد کے لیے کم از کم مالیت دس لاکھ امریکی ڈالر کی شرط رکھی گئی تھی۔ تاہم سن 2018 میں اسے کم کر کے ڈھائی لاکھ ڈالر کر دیا گیا تھا۔
Published: undefined
مقامی میڈیا کی رپورٹوں کے مطابق سن 2017 سے 2020 کے درمیان اس اسکیم کے تحت سات ہزار غیر ملکی شہری جائیدادیں خرید کر ترک شہریت حاصل کر چکے ہیں۔ شہریت حاصل کرنے والوں میں سے زیادہ تر افراد کا تعلق ایران، افغانستان اور عراق سے ہے۔
Published: undefined
ترک لیرا کی قدر کم ہونے کے بعد گزشتہ برس صرف نومبر کے مہینے میں غیر ملکیوں نے ترکی میں سات ہزار سے زائد جائیدادیں خریدی تھیں۔ سال بھر میں 50 ہزار سے زائد جائیدادیں غیر ملکیوں کو فروخت کی جا چکی ہیں۔ غیر ملکیوں کی بڑھتی دلچسپی کی وجہ سے جائیداد کی قیمتوں میں بھی اضافہ ہوا ہے۔
Published: undefined
شماریات سے متعلق ترکی کا وفاقی ادارہ ہر ماہ جائیداد کی خرید و فروخت کے اعداد و شمار جاری کرتا ہے۔ آئندہ ماہانہ رپورٹ سے اس بات کا اندازہ لگایا جا سکے گا کہ نئے ضوابط کتنے مؤثر ثابت ہوئے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا