نیوزی لینڈ، نیلامی کے بکسوں سے انسانی باقیات برآمد

عام خیال یہ ہے کہ ان انسانی باقیات کو نیلامی میں رکھے گئے ان بکسوں میں چھپایا گیا تھا، جو ایک اسٹوریج یونٹ کا حصہ تھے۔

نیلامی کے دوران ایک خاندان نے ان سوٹ کیسوں کی سب سے زیادہ بولی لگائی اور انہیں خرید کر اپنے ساتھ گھر لے گیا۔ جنوبی آکلینڈ کے رہائشی اس خاندان نے سوٹ کیسوں سے انسانی باقیات ملنے کے فورا بعد پولیس کو مطلع کیا۔ پولیس کو مطابق یہ خاندان اس واردات میں ملوث نہیں ہے۔

پولیس کے مطابق اس کی ترجیح لاشوں کی شناخت کی تصدیق کرنا ہے تاکہ وہ اس ممکنہ قتل کی وجوہات کی تفتیش کر سکیں۔ حکام نے بتایا ہے کہ وہ ان انسانی باقیات کا پوسٹ مارٹم کریں گے اور فرانزک تفتیش کار متاثرین کی تعداد کا تعین کرنے کی کوشش بھی کریں گے۔

لاوارث مواد کی نیلامی ایک معمول کی بات ہے تاہم اس اسٹوریج یونٹ کے مالک کا کہنا ہے کہ وہ اس معاملے میں پولیس کے ساتھ تعاون کی ہر ممکن کوشش کریں گے۔ مقامی میڈیا کے مطابق ان سوٹ کیسوں میں ایک سے زائد انسانی لاشوں کی باقیات کی موجودگی کا شبہ ہے۔