سماجی رابطوں کی ویب سائٹ فیس بک نے درجنوں جعلی روسی اکاؤنٹس بند کرنے کے ساتھ ساتھ ایک ایسے نیٹ ورک کو بھی ختم کرنے فیصلہ کیا ہے جو امریکی ووٹرز کے لیے سیاسی پیغامات کی ترسیل چاہتا تھا۔ اس نیٹ ورک کا تعلق ایک روسی انٹرنیٹ ایجنسی کے ساتھ بتایا گیا ہے۔
Published: undefined
اس نیٹ ورک کے تحت ایک ایسی فرضی تنظیم قائم تھی، جس کا مقصد سابقہ امریکی صدارتی الیکشن کے دوران تنازعاتی اور گڑ بڑ کی کیفیت پیدا کرنا تھا۔ فیس بک انتظامیہ نے اعتراف کیا ہے کہ اس فرضی تنظیم کے پلیٹ فارم سے سن 2016 کے صدارتی الیکشن کے دوران ایک سو چھبیس ملین امریکی شہریوں تک رسائی حاصل کی گئی تھی۔
Published: undefined
گزشتہ مہینوں کے درمیان فیس بک کی انتظامیہ کو جعلی اکاؤنٹس کے تناظر میں شدید تنقید کا سامنا کرنا پڑا تھا۔ یہ تنقید خاص طور پر روسی جعلی اکاؤنٹس کے تناظر میں تھی کہ جن کے ذریعے سن 2016 کے صدارتی انتخابات کے دوران غلط اطلاعات پھیلائی گئی تھیں۔
Published: undefined
سن 2018 میں امریکی وزارت انصاف نے انٹرنیٹ ریسرچ ایجنسی پر الزام عائد کیا تھا کہ اس نےجعلی افراد کے اکاؤنٹس کا استعمال کر کے سوشل میڈیا پر غلط معلومات پھیلائیں اور اس طرح امریکی رائے عامہ پر اثر انداز ہونے کی کوشش کی تھی۔ وزارت انصاف نے اس ایجنسی پر یہ الزام بھی لگایا کہ ایسی کارروائیوں کے ذریعے امریکی معاشرے میں سیاسی اور سماجی معاملات پر عام لوگوں کو تقسیم کرنے کے ساتھ ساتھ منقسم آراء کا حامل بنانے کی کوشش بھی کی گئی تھی۔
Published: undefined
اس تناظر میں سوشل میڈیا کا تجزیہ کرنے والے ادارے گرافیکا نے ایک رپورٹ پیر اکیس اکتوبر کو جاری کی ہے۔ اس رپورٹ میں واضح کیا گیا کہ کم از کم پچاس اکاؤنٹس ایسے تھے جو انسٹا گرام پر سرگرم تھے اور ان میں سے نصف سن 2016 کے امریکی انتخابات میں فلوریڈا سے فرضی اور جعلی اطلاعات پھیلانے کا سلسلہ جاری رکھے ہوئے تھے۔
Published: undefined
امریکی حکام پہلے ہی سن 2020 کے انتخابات میں مبینہ مداخلت کا انتباہ جاری کر چکے ہیں۔ اس انتباہ کی روشنی ہی میں فیس بک نے تازہ فیصلہ کیا ہے۔ فیس بک کے مطابق اُن میسجز پر لیبل لگائے جائیں گے جو کسی ایسے ملک سے جاری کیے گئے ہوں گے جہاں میڈیا ریاست کے مکمل کنٹرول میں ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined