صحافی فرحان یحییٰ کی والدہ کا 68 سال کی عمر میں انتقال، دہلی گیٹ قبرستان میں سپرد خاک

نئی دہلی: مشہور و معروف صحافی فرحان یحییٰ کی والدہ صابرہ بیگم کا 17 ستمبر کو طویل علالت کے عبد انتقال ہو گیا۔ ان کی عمر 68 سال تھی اور کافی وقت سے مختلف بیماریوں میں مبتلا تھیں۔ اطلاع کے مطابق مرحومہ کا گزشتہ 2 سال سے انجمن میڈیکل سینٹر میں ڈائلیسس چل رہا تھا۔ اس کے علاوہ بی ایل کپور میں بھی وہ دوسرے امراض کے علاج کے لیے جا رہی تھیں۔

فرحان یحییٰ کے والد محمد یحییٰ کا 2012 میں انتقال ہوا تھا۔ پسماندگان میں فرحان یحییٰ کے علاوہ ایک بیٹی شامل ہے۔ مرحومہ کی نماز جنازہ بعد نماز عشاء مسجد درگاہ فیض الٰہی میں ادا کی گئی۔ بعد ازاں تدفین دہلی گیٹ قبرستان میں عمل میں آئی۔ نماز جنازہ میں بڑی تعداد میں سیاسی و سماجی و ادبی شخصیات نے شرکت کی اور مرحومہ کے لئے دعائے مغفرت کی۔

فرحان یحییٰ ورکنگ جرنلسٹ کلب کے فعال رکن ہیں۔ کلب کے جملہ اراکین ان کے اس غم میں خود کو برابر کا شریک مانتے ہیں اور اللہ رب العزت سے دعا گو ہیں کہ مرحومہ کی مغفرت فرمائے اور اہل خانہ کو صبر جمیل عطا فرمائے۔ آمین۔