پاکستان: نواز شریف گرفتار، خود کو کیا قانون کے حوالے

پاکستان کے سابق وزیر اعظم نواز شریف اور ان کی بیٹی مریم نواز کو نیب کی ٹیم نے گرفتار کر لیا ہے۔ دونوں ہی طیارہ سے باہر نکل چکے ہیں اور انھیں ایک گاڑی میں بٹھایا جانے والا ہے۔ اس گاڑی سے انھیں پاس میں ہی کھڑے ہیلی کاپٹر میں لے جایا جائے گا۔ خبروں کے مطابق طیارہ میں موجود صحافیوں کو طیارہ سے اترنے کی اجازت نہیں دی گئی۔

خبروں کے مطابق نیپ کی ٹیم نواز شریف اور مریم نواز کو گرفتار کرنے کے لیے طیارہ میں داخل ہو گئی ہے۔ ساتھ ہی طیارہ میں رینجرس اور پولس کے حکام بھی اسلحوں کے ساتھ داخل ہو چکے ہیں۔ سیکورٹی اہلکاروں نے مسافروں کو دھیرے دھیرے اتارنا بھی شروع کر دیا ہے۔ مسافروں کو درمیان کے دروازے سے نیچے اتارا جا رہا ہے۔ امید کی جا رہی ہے کہ نواز شریف کو کیبن کے پاس موجود دروازے سے باہر نکالا جائے گا۔

نواز شریف اور مریم نواز اس وقت بھی طیارہ میں سوار ہیں۔ امید کی جا رہی ہے کہ جلد ہی وہ دونوں طیارہ سے نیچے اتریں گے اور نیب کی ٹیم انھیں گرفتار کرے گی۔

پاکستان کے سابق وزیر اعظم نواز شریف اور ان کی بیٹی مریم نواز کو لے کر ابوظہبی سے آیا مسافر طیارہ لاہور ائیر پورٹ پر لینڈنگ کر چکا ہے۔ یہاں نیب کی ٹیم موجود ہے جو انھیں فوری طور پر گرفتار کرنے کے لیے سبھی تیاریاں مکمل کر چکی ہے۔ ابوظہبی سے لاہور آنے والا یہ مسافر طیارہ اپنے مقررہ وقت سے تقریباً ڈھائی گھنٹہ تاخیر رہا۔

طیارہ کا رخ نیو اسلام آباد ائیر پورٹ کی طرف کیے جانے کی خبروں کے بعد تازہ صورت حال یہ ہے کہ ایک بار پھر طیارہ کو لاہور میں ہی اتارنے کا فیصلہ کیا گیا ہے۔ طیارہ لاہور کی طرف بڑھ رہا ہے اور وہاں ائیر پورٹ پر سیکورٹی کے سخت انتظامات پہلے سے ہی کیے جا چکے ہیں۔ خبروں کے مطابق نیو اسلام آباد ائیر پورٹ پر کسی وجہ سے طیارہ کو لینڈنگ کی اجازت نہیں مل سکی جس کے سبب ایک بار پھر لاہور ائیر پورٹ پر ہی طیارہ کو اتارا جائے گا۔ مختلف میڈیا چینلوں پر نشر کی جا رہی خبروں کے مطابق ائیر پورٹ پر نواز شریف کے حامی لگاتار نعرے بازی کر رہے ہیں۔

خبروں کے مطابق نواز شریف اور ان کی بیٹی مریم نواز کو جب گرفتار کر کے اڈیالہ جیل لے جایا جائے گا تو وہاں ان کا طبی معائنہ ہوگا۔ اس طبی معائنہ کے لیے ڈاکٹروں کی ٹیم اڈیالہ جیل پہنچ چکی ہے۔ جیل قریب سیکورٹی کے سخت انتظامات بھی کیے گئے ہیں۔

لاہور ائیر پورٹ پر نواز شریف اور ان کی بیٹی کو گرفتار کرنے کی تیاریاں ہو چکی تھیں لیکن موصولہ اطلاعات کے مطابق ابو ظہبی سے پرواز بھرنے والے طیارہ نے لاہور کی جگہ اسلام آباد کا رخ کر لیا ہے۔ دراصل لاہور ائیر پورٹ پر نواز شریف کے حامیوں کی بڑی تعداد جمع ہو گئی ہے اس لیے انھیں اسلام آباد ائیر پورٹ پر اتارنے کا فیصلہ کیا گیا ہے۔

نواز شریف لاہور ائیر پورٹ پر پہنچے والے ہیں لیکن اس سے پہلے پنجاب پولس نے پاکستان مسلم لیگ (نواز) کے کئی سینئر لیڈروں کو حراست میں لینے کا آرڈر جاری کر دیا۔ اس حکم کے بعد کچھ لیڈروں کو حراست میں لیے جانے کی خبریں بھی موصول ہو رہی ہیں۔

پاکستان کے سابق وزیر اعظم نواز شریف کی گرفتاری کی تیاریاں ہو چکی ہیں اور وہ جلد ہی لاہور ہوائی اڈہ پہنچنے والے ہیں۔ ان کی آمد سے قبل ان کے حامیوں کی بھیڑ ہوائی اڈہ پر پہنچ چکی ہے اور ان کی حمایت میں نعرے لگا رہی ہے۔

نوازشریف کی عمر رسیدہ والدہ شمیم اختر نے اپنے بیٹے پر عائد الزامات کو جھوٹا قرار دیا ہے۔ والدہ کا کہنا ہے کہ ’’خود اپنے بیٹے کا استقبال کرنے لاہور ایئرپورٹ جاؤں گی اور نوازشریف کو گرفتار نہیں ہونے دوں گی تاہم اگر انہیں گرفتار کیا گیا تو میں بھی ان کے ساتھ جیل جاؤں گی۔‘‘

شمیم اختر نے نواز شریف کی پارٹی کے کارکنان کے نام ویڈیو پیغام بھی جاری کیا ہے۔

پاکستان کے سابق وزیر اعظم نواز شریف اپنی بیٹی کے ساتھ لندن سے پاکستان روانہ ہوئے تھے۔ پہلے وہ ابو ظہبی کے ایئرپورٹ پر اترے اور اس کے بعد لاہور کے لئے روانہ ہوگئے۔

خبر رساں ایجنسی اے این آئی کے مطابق ابوظہبی میں ان کے ساتھ نیشنل اکاؤنٹبلٹی بورڈ (نیب) کے افسران بھی طیارہ میں آئیں گے۔ انہیں لاہور ایئرپورٹ سے ہی گرفتار کر لیا جائے گا۔

ادھر تازہ اطلاعات میں نواز شریف کی پارٹی پاکستان مسلم لیگ ن کے کارکنان نے لاہور میں مظاہرہ شروع کر دیا ہے۔ پارٹی صدر اور نواز شریف کے بھائی شہباز شریف نے پارٹی کارکنان سے لاہور ایئرپورٹ پہنچنے کی کال دی ہوئی ہے۔ کسی بھی صورت حال سے نمٹنے کے لئے لاور میں شام 3 بجے تک انٹر نیٹ خدمات کو معطل رکھا جائے گا۔

نواز شریف اور ان کی بیٹی مریم نواز لندن سے پاکستان کے لئے روانہ ہوئے تھے اور وہ متحدہ عرب امارات کے دارالحکومت ابو ظہبی کے ایئر پورٹ پر لینڈ کر چکے ہیں۔ یہاں سے انہیں لاہور پہنچنا ہے۔

انہوں نے کہا، ’’مجھے سیدھا جیل خانہ میں لے جائے گا۔ لیکن میں یہ قربانی پاکستانی عوام اور آنے والی نسلوں کے لئے دے رہا ہوں۔ ایسا موقع بار بار نہیں آتا۔ چلو پاکستان کا مستقبل بناتے ہیں۔‘‘

اہوں نے پاکستانی قوم سے اپیل کرتے ہوئے کہا کہ وہ ان کے ساتھ قدم سے قدم ملا کر اور ہاتھ میں ہاتھ ڈال کر چلیں اور ملک کی تقدیر بدلیں۔

پاکستان کے سرکاری چینل پی ٹی وی پر نواز شریف اور ان کی بیٹی مریم نواز کے انٹرویو اور خبر دکھانے پر پابندی عائد کر دی گئی ہے۔ پاکستان کے سرکاری چینل پی ٹی وی کی طرف سے حکم جاری کیا گیا ہے کہ کسی بھی ٹی وی پروگرام میں مجرم قرار پائے لوگوں کو نہ تو دکھایا جائے گا اور نہ ہی ان کا ذکر کیا جائے گا۔

پاکستان کے سپریم کورٹ سے سزا پائے پاکستان کے سابق وزیر اعظم میاں نواز شریف اور ان کی بیٹی مریم نواز لندن کے ہیتھرو ایئرپورٹ سے لاہور کے لیے روانہ ہو چکے ہیں۔ بی بی سی اردو کے مطابق نواز شریف اپنی بیٹی مریم نواز کے ساتھ اتحاد ایئر ویز کی پرواز کے ذریعے جمعے کی شام لاہور کے علامہ اقبال انٹرنیشنل ایئرپورٹ پہنچیں گے جہاں ان کی پارٹی پاکستان مسلم لیگ (ن ) نے ان کے استقبال کے لیے کارکنان کو لاہور آنے کی کال دے رکھی ہے۔

نواز شریف کی واپسی کا سفر شروع ہونے سے چند گھنٹے قبل پاکستان مسلم لیگ (ن) کے موجودہ صدر اور نواز شرف کے بھائی شہباز شریف نے کہا ہے کہ نواز شریف کی وطن آمد سے قبل ان کی جماعت کے سینکڑوں کارکنوں کو گرفتار کیا جا رہا ہے تاکہ انتخاب میں دھاندلی کی جا سکے۔