زلزلے کے جھٹکوں سے ایک بار پھر لرز اٹھا تبت، ریکٹر اسکیل پر شدت 4.5 درج

تبت میں ہفتہ کی صبح تقریباً 5:38 بجے (ہندوستانی وقت کے مطابق) 4.5 شدت کا زلزلہ آیا۔ علی الصبح زلزلے کے جھٹکوں سے لوگوں میں خوف و ہراس پھیل گیا۔ نیشنل سینٹر فار سیسمولوجی نے یہ اطلاع دی ہے۔ اس سے قبل جمعرات (22 اکتوبر) کی رات کو بھی تبت میں 7.0 شدت کا زلزلہ آیا تھا۔ اس زلزلے سے بڑے پیمانے پر نقصان ہوا ہے، اب تک 16 افراد کی موت ہو چکی ہے، جبکہ 65 افراد زخمی ہوئے ہیں۔ یہ زلزلہ رات میں تقریباً  10:33 بجے آیا تھا۔ اس کا مرکز شمالی تبت کے ناگچو شہر کے باچن کاؤنٹی علاقے میں بتایا جا رہا ہے۔ زلزلے کے بعد 12 ہزار سے زیادہ لوگوں کو محفوظ مقامات پر منتقل کیا گیا ہے۔