کنگ چارلس سوئم کی تصویر والے سکّوں کی پہلی آفیشیل تصویر آئی سامنے، جنوری 2023 سے ہوگا رائج

آنجہانی مہارانی ایلزبتھ دوئم گزشتہ 70 سالوں سے برطانیہ کے لوگوں کی زندگی کا اہم حصہ بن گئی تھیں۔ ان کی تصویروں کو سکوں سے لے کر کئی دوسرے مقامات پر اب بھی دیکھا جا سکتا ہے۔ لیکن ان کے انتقال کے بعد اب نئے سکّوں پر کنگ چارلس سوئم کی تصویر دکھائی دے گی۔ ساؤتھ ویلز واقع برطانیہ کی سب سے پرانی کمپنی رائل منٹ نے جمعرات کو کنگ چارلس سوئم کی تصویر والے پہلے آفیشیل سکّوں کا انکشاف کیا ہے۔

رائل منٹ نے ان نئے سکّوں کی تصویر جاری کی ہے جس میں اب 74 سالہ کنگ چارلس سوئم کی تصویر ہوگی اور نئے سال (3 جنوری کی صبح 9 بجے) پر اس کی لانچنگ ہوگی۔ سکہ کے ڈیزائن کی رونمائی کی جا چکی ہے جس میں سکّہ کے اس حصے پر کنگ چارلس سوئم کی تصویر لگائی گئی ہے جہاں پر مہارانی ایلزبتھ دوئم کی تصویر ہوا کرتی تھی۔ رائل منٹ 3 جنوری 2023 سے نئے کنگ کی تصویر کے ساتھ میموریل سیٹ حاصل کرنے کا موقع دے رہا ہے۔

رائل منٹ کے سی ای او اینی جیسوپ کا کہنا ہے کہ برطانیہ کے سکّوں کے آفیشیل مینوفیکچرر کی شکل میں رائل منٹ کو 70 سالوں تک مہارانی ایلزبتھ دوئم کے ہر سکّے کو بنانے کا فخر حاصل ہے۔ جیسے ہی ہم نئے سال میں داخل ہوں گے، ہم سب سے اہم تبدیلیوں میں سے ایک کو دیکھنا شروع کر دیں گے۔ انھوں نے کہا کہ برطانیہ کے سبھی نئے سکّوں پر کنگ چارلس سوئم کی تصویر دکھائی دینی شروع ہوگی اور یہ سکّے اب برطانیہ میں دہائیوں تک چلتے رہیں گے۔