امریکی اسکول میں فائرنگ، دس ہلاک

ٹیکساس میں ہیرس کاؤنٹی کے شیرف ایڈ گونجالیز نے بتایا کہ ایک بندوق بردار نے ہائی اسکول میں فائرنگ کی جس میں کم سے کم 10 افراد ہلاک ہوگئے۔ انہوں نے کہا کہ واقعہ کے سلسلے میں ایک مشتبہ حملہ آور کو گرفتار کیا گیا ہے جو کہ اسکول کاسابق طالب علم ہے۔ اسکول فائرنگ میں پاکستانی طالبہ سبیکاعزیزشیخ بھی جان بحق ہو گئی ہے۔

گونجالیز نے صحافیوں کو بتایا کہ اس واقعے میں بہت سے افراد ہلاک ہو چکے ہیں۔ ان کے مطابق، ہلاک شدگان کی تعداد آٹھ اور 10 کے درمیان ہے۔

ہسپتال کے حکام نے بتایا کہ کم سے کم نو افراد کو علاج کے لئے ہسپتال پہنچایا گیا ہے۔ زخموں کی حالت کی واضح طور پر ابھی کچھ بھی نہیں کہا جا سکتا۔ گونجالیز نے کہا کہ ایک زخمی پولس اہلکار کا بھی علاج کیا جا رہا ہے۔ شیرف ڈیپارٹمنٹ نے ٹوئیٹ کیا کہ ’’ فائرنگ بند ہوگئی ہے اور زخمیوں کا علاج کیا جا رہا ہے۔

امریکی صدر ڈونالڈ ٹرمپ نے اس واقعہ کو تکلیف دہ بتایا اور اس کے پیش نظر وفاقی اور مقامی حکام کو تال میل کے ساتھ کام کرنے کو کہا۔

ٹرمپ نے وائٹ ہاؤس میں کہا کہ ’’میرا انتظامیہ ہمارے طلبہ کی حفاظت اور اسکولوں کی حفاظت اور ان لوگوں کے ہاتھوں سے ہتھیار کو دور رکھنے کے لئے پابند عہد ہے جو دوسروں کے لئے خطرہ پیدا کرتے ہیں۔