آج رات کو امریکہ کے نومنتخب صدر جو بائیدن امریکہ کے 46 ویں صدر کی حیثیت سے حلف لیں گے جس کے بعد امریکی صدارتی انتخابات کے نتائج پر پوری طرح مہر لگ جائے گی۔ بائیڈن کے حلف لینے کے ساتھ امریکی صدر ڈونالڈ ٹرمپ وہائٹ ہاؤس چھوڑ دیں گے۔
Published: undefined
واضح رہے گزشتہ سال ہوئےامریکی صدارتی انتخابات پوری طرح مختلف تھے جس میں صدر ٹرمپ اپنی شکست قبول کرنےکےلئے تیار ہی نہیں تھےاور ان کا مستقل کہنا تھا کہ انتخابی نتائج میں دھاندلی ہوئی ہےاور نتائج ڈیموکریٹس نے چرا لئے ہیں۔ بات صرف یہیں تک نہیں تھی اب ان پر الزام ہےکہ انہوں نےاپنےحامیوں کو امریکی پارلیمنٹ ’کیپیٹل ہل‘ پر حملہ کےلئےاکسایا۔
Published: undefined
جو بائیڈن کے استقبال کے لئے وہائٹ ہاؤس میں تیاریاں زور شور سےچل رہی ہیں اور ہر صورتحال سےنمٹنے کے لئے سیکیورٹی انتظامات بھی سخت کر دئے گئے ہیں ۔نو منتخب صدر کی حلف برداری کے لیے غیر معمولی انتظامات کئے گئے ہیں۔ نو منتخب صدر جو بائیڈن اور نائب صدر کملا ہیرس کیپٹل کمپلیکس میں حلف لیں گے جس کے اطراف خاردار تار لگائے گئے ہیں۔
Published: undefined
واضح رہے کورونا وبا کےمعاملوں میں اضافہ کی وجہ سےحلف برداری کی تقریب کو محدود رکھا گیا ہے اور ضابطو ں پر عمل کرنے کو یقینی بنایا گیا ہے اور اسی وجہ سے بیشتر تقریبات کو ورچوئل رکھا گیا ہے۔ملک کی تمام 50 ریاستوں میں نئے صدر کے استقبال کے لیے میوزیکل بینڈ اور مختلف گروپس اپنے فن کا مظاہرہ بھی کریں گے۔
Published: undefined
دوسری جانب صدر ٹرمپ نے اب تک انتخابات میں اپنی ناکامی تسلیم نہیں کی اور نہ ہی انہوں نے نو منتخب صدر جو بائیڈن کو مبارک باد دی ہے۔تاہم ٹرمپ نے تسلیم کیا ہے کہ بدھ کو امریکہ کی نئی انتظامیہ اپنا کام سنبھالے گی۔
Published: undefined
صدر ٹرمپ اعلان کر چکے ہیں کہ وہ حلف برداری کی تقریب میں شرکت نہیں کریں گے جب کہ نائب صدر مائیک پینس اس تقریب میں شریک ہوں گے۔اگر صدر ٹرمپ نومنتخب صدر کی حلف برداری کی تقریب میں شرکت نہیں کرتے تو 160 سال کی تاریخ میں ایسا پہلی مرتبہ ہو گا۔ (انپٹ وی او اے)
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined