مصر: چرچ پر حملہ کے 36 ملزمان کو سزائے موت دینے کی تیاری

قاہرہ: مصر کی ایک فوجی عدالت نے چرچ پر بم حملہ کے 36 ملزمان کو سزائے موت دئیے جانے پر غوروخوض کے لیے ان کے نام ملک کے ٹاپ مذہبی ادارہ کے پاس بھیجا گیا ہے۔ سرکاری ٹیلی ویژن نے اس بات کی جانکاری دی۔

تمام 36 ملزمان پر قاہرہ کے قبطی كیتھڈرل سمیت تین قبطی چرچوں پر ہوئے حملوں میں ملوث ہونے کا الزام ہے۔ ان حملوں میں دسمبر 2016 میں قاہرہ کے قبطی كیتھڈرل چرچ پر ہوا حملہ بھی شامل ہے جس میں کم از کم 25 افراد کی موت ہو گئی تھی۔ اور ان تمام حملوں کی ذمہ داری اسلامک اسٹیٹ نے لی تھی۔

مصر کے قانون کے مطابق آخری فیصلے سے پہلے عدالت سزائے موت کے معاملات کو غور کرنے کیلئے مفتی کے پاس بھیجاجاتا ہے، تاہم مفتی کا فیصلہ پابند نہیں ہوتا۔ ان معاملات سے منسلک ایک وکیل نے بتایا کہ عدالت اس معاملے میں 15 مئی کو اپنا آخری فیصلہ سنائے گی۔