چین کے ہوبئی صوبے کے دارالحکومت ووہان سے پھیلنے والےجان لیوا کورونا وائرس کی زد میں دنیا کے 101 سے زیادہ ممالک آ چکے ہیں اور اس سے مرنے والوں کی تعداد 3،864 سے زیادہ ہو چکی ہے جبکہ 110،859 افراد اس وائرس سے زندگی اور موت کی جنگ لڑ رہے ہیں۔
Published: undefined
ہندوستان میں بھی یہ آہستہ آہستہ پھیلنے لگا ہے اور 44 افراد میں اس کی تصدیق ہو چکی ہے۔ ان میں کیرالہ کے وہ تین افراد بھی شامل ہیں جنہیں علاج کے بعد چھٹی دے دی گئی ہے۔ مرکزی وزیر صحت هرش ورددھن نے کہا کہ اب تک بیرون ملک سے آنے والی 8255 پروازوں کے کل آٹھ لاکھ 74 ہزار 708 مسافروں کی ہوائی اڈوں پر سکریننگ کی جا چکی ہے جن میں سے 1921 کے کورونا وائرس سے متاثر ہونے کا شبہ ہیں۔ ان میں سے 177 کو اسپتال میں داخل کیا گیا ہے۔
Published: undefined
کل 33،599 مسافروں کو نگرانی میں رکھا گیا ہے اور 21،867 مسافروں کی نگرانی کی مدت پوری ہو چکی ہے۔ سرحد پر ساڑھے 11 لاکھ افراد کی اسکریننگ کی گئی ہے۔ کورونا وائرس کا قہر تھمنے کا نام نہیں لے رہا ہے لیکن اب بھی اس سے سب سے زیادہ متاثر چین کے افراد ہی ہیں۔ اس وائرس کے سلسلے میں تیار کی گئی ایک رپورٹ کے مطابق چین میں ہونے والی اموات کے 80 فیصد کیس 60 سال سے زیادہ عمر کے افرادسے تعلق رکھتے ہیں۔
Published: undefined
چین کے بعد اٹلی وہ ملک ہے جو سب سے متاثرہے اور اب تک وہاں ساڑھے تین سو زائد اموات ہو چکی ہیں۔ ایران بھی وہ ملک ہے جہاں پر اس وائرس کاقہر دیکھا جا سکتا ہے۔دنیا کے تمام ممالک اس وائرس کو پھیلنے سے روکنے کے لئے ہر ممکن کوششیں کر رہے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined