عالمی ادارۂ صحت (ڈبلیو ایچ او) نے منکی پاکس کو لے کر گلوبل ہیلتھ ایمرجنسی کا اعلان کر دیا ہے۔ ڈبلیو ایچ او چیف ٹیڈروس گیبریوسس نے ہفتہ کے روز یہ اعلان کیا۔
Published: 23 Jul 2022, 9:39 AM IST
کانگریس لیڈر پون کھیڑا نے مرکزی وزیر اسمرتی ایرانی پر زوردار جوابی حملہ کیا ہے۔ پون کھیڑا نے ایک ٹوئٹ کر پوچھا ہے کہ کون سی اسمرتی ایرانی جھوٹ بول رہی ہیں؟ وہ اسمرتی ایرانی جنھوں نے 14 اپریل کو اپنی بیٹی کے ریستوراں کی تعریف کی تھی، یا وہ اسمرتی ایرانی جو آج کہہ رہی ہیں کہ ان کی بیٹی کا کوئی ریستوراں ہے ہی نہیں؟
Published: 23 Jul 2022, 9:39 AM IST
صدر رام ناتھ کووند کے لیے راجیہ سبھا اور لوک سبھا دونوں نے مشترکہ طور پر الوداعی تقریب کا اہتمام کیا۔ راجیہ سبھا اور لوک سبھا کے ممبران پارلیمنٹ کی طرف سے صدر رام ناتھ کووند کی الوداعی تقریب پارلیمنٹ میں ہوئی۔ انہوں نے کہا کہ آپس میں اختلافات ہو سکتے ہیں لیکن ملک کی جماعتوں کو پارٹی سیاست سے اوپر اٹھنا چاہیے۔
Published: 23 Jul 2022, 9:39 AM IST
تلنگانہ میں دو ہفتوں سے بھی کم عرصے میں دوسری بار زبردست بارش کے ساتھ سیلاب جیسی صورتحال دیکھی جا رہی ہے کیونکہ شدید بارش کی وجہ سے نالوں، جھیلوں اور آبی ذخائر میں اضافہ ہو رہا ہے۔ حیدرآباد اور کچھ دیگر اضلاع میں ہو رہی مسلسل بارشوں نے نشیبی علاقوں میں پانی بھر دیا ہے، جس سے سڑکوں پر آمدورفت متاثر ہوئی ہے اور معمولات زندگی ٹھپ ہو کر رہ گئے ہیں۔ بارش سے متعلقہ واقعات میں تین افراد جاں بحق جبکہ ایک لاپتہ ہوگیا۔ ہفتہ کی صبح ورنگل قصبہ میں ایک عمارت کے منہدم ہونے سے دو افراد ہلاک ہو گئے جبکہ ضلع میدک کے فلڈ زون میں ایک موٹر سائیکل سڑک کے ڈیوائیڈر سے ٹکرانے سے ہلاک ہو گیا۔
Published: 23 Jul 2022, 9:39 AM IST
سماجوادی پارٹی کی جانب سے راجبھر کے لئے جاری کئے گئے خط میں لکھا گیا کہ ’آپ کو جہاں زیادہ عزت ملے وہاں جانے کے لئے آزاد ہیں۔‘ اس خط کے بعد سہیل دیو بھارتیہ سماج پارٹی کے سربراہ اوم پرکاش راجبھر نے کہا ہے کہ سماجوادی پارٹی کی طرف سے طلاق دی گئی ہے، جسے انہوں نے قبل کر لیا ہے۔ انہوں نے طنز کرتے ہوئے کہہا کہ خدا کرے کہ اکھلیش یادو کبھی اے سی سے باہر نہ نکلیں!
Published: 23 Jul 2022, 9:39 AM IST
الیکشن کمیشن کی جانب سے شیو سینا کے ادھو ٹھاکرے دھڑے اور ایکناتھ شندے دھڑے کو پارٹی میں اکثریت کے ثبوت پیش کرنے کے لئے طلب کرنے پر سنجے راؤت نے سخت رد عمل ظاہر کیا ہے۔ انہوں نے کہا کہ مہاراشٹر کے عوام کے لئے یہ حیرت ناک ہے۔ بالا صاحب ٹھاکرنے نے 56 سال قبل ہندوتوا کو ذہن میں رکھتے ہوئے اس پارٹی کو قائم کیا تھا اور الیکشن کمیشن ان کی تنظیم پر سوال اٹھا رہا ہے۔ دہلی ہماری پارٹی کو تباہ کر دینا چاہتی ہے۔ ادھو ٹھاکرے آج شیو سینا کے تنہا وقائد ہیں۔‘‘
Published: 23 Jul 2022, 9:39 AM IST
راہل گاندھی نے این ڈی اے کو ’نو ڈیٹا اویلیبل‘ حکومت قرار دیتے ہوئے کہا کہ حکومت سب کو یقین دلانا چاہتی کہ آکسیجن کی کمی سے کسی کی موت نہیں ہوئی، احتجاج کرنے والے کسی کسان کی موت نہیں ہوئی، پیدل چلتے ہوئے کسی مہاجر کی موت نہیں ہوئی، کسی کی موب لنچنگ نہیں کی گئی، کسی صحافی کی گرفتاری نہیں ہوئی۔ کوئی ڈیٹا نہیں، کوئی جواب نہیں، کوئی احتساب نہیں۔‘‘
Published: 23 Jul 2022, 9:39 AM IST
پنجاب پاکستان کے دوبارہ وزیر اعلیٰ منتخب ہونے کے بعد گورنر ہاؤس پنجاب میں منعقدہ تقریب میں مسلم لیگ (ن) کے حمزہ شہباز نے حلف لے لیا ہے۔
Published: 23 Jul 2022, 9:39 AM IST
مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا وائرس کے 21411 نئے کیسز کی تصدیق کی گئی ہے۔ اس دوران 20726 افراد نے شفایابی حاصل کر لی جبکہ 67 افراد کی جان چلی گئی۔ ملک میں اب کورونا کے فعال کیسز کی تعداد 1.5 لاکھ سے زیادہ ہو گئی ہے۔
Published: 23 Jul 2022, 9:39 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 23 Jul 2022, 9:39 AM IST