صدر جمہوریہ دروپدی مرمو نے اگلے چیف جسٹس آف انڈیا کے نام پر مہر لگا دی ہے۔ وزارت برائے قانون و انصاف کے ذریعہ دی گئی جانکاری کے مطابق جسٹس ادے امیش للت کو ملک کا 49واں چیف جسٹس مقرر کیا گیا ہے۔ قابل ذکر ہے کہ گزشتہ دنوں موجودہ چیف جسٹس آف انڈیا جسٹس این وی رمنا نے جسٹس یو یو للت کا نام آئندہ چیف جسٹس کے لیے پیش کیا تھا۔ جسٹس این وی رمنا کی آئندہ 26 اگست کو سبکدوش ہو رہے ہیں۔
Published: 10 Aug 2022, 9:43 AM IST
توہین رسالتؐ کے الزمات کا سامنا کر رہی بی جے پی کی معطل شدہ ترجمان نوپور شرما کو سپریم کورٹ نے راحت فراہم کی ہے۔ عدالت عظمیٰ نے نوپور شرما کے خلاف درج تمام ایف آئی آرز کو یکجا کرتے ہوئے دہلی منتقل کرنے کا حکم صدر کیا ہے۔ اب ان تمام ایف آئی آرز کی تحقیقات دہلی پولیس کے سپرد کی گئی ہے۔ سپریم کورٹ نے کہا کہ تحقیقات مکمل ہونے تک نوپور شرما کو تمام زیر التواء اور مستقبل کی ایف آئی آر میں گرفتاری سے تحفظ جاری رہے گا۔
Published: 10 Aug 2022, 9:43 AM IST
نتیش کمار نے وزیر اعلی کے عہدے کا حلف لینے کے فوری بعد بی جے پی حملہ بولا ہے۔ انہوں نے کہا کہ کچھ لوگوں کا خیال تھا کہ اپوزیشن ختم ہو جائے گی لیکن اب ہم بھی اپوزیشن میں ہیں۔ اتنا ہی نہیں نتیش کمار نے بغیر نام لئے وزیر اعظم پر بھی نشانہ لگایا۔ نتیش کمار نے کہا کہ جو 2014 میں آئے تھے وہ 2024 میں رہیں گے تب نا! انہوں نے کہا کہ ہم رہیں یا نہ رہیں وہ 2024 میں نہیں رہیں گے۔ نتیش کمار نے کہا کہ میں اپوزیشن سے 2024 کے لیے متحد ہونے کی اپیل کرتا ہوں۔ تاہم وزیر اعظم کے عہدے کے سوال پر انہوں نے کہا کہ میں ایسے عہدے کا امیدوار نہیں ہوں۔
Published: 10 Aug 2022, 9:43 AM IST
نتیش کمار نے وزیر اعلیٰ جبکہ آر جے ڈی لیڈر تیجسوی یادو نے نائب وزیر اعلیٰ کے طور پر حلف اٹھا لیا ہے۔ خیال رہے کہ نتیش کمار نے این ڈی اے سے ناطہ توڑ کر آر جے ڈی-کانگریس-بایاں محاذ سے ہاتھ ملا لیا ہے، جس کے بعد بہار میں عظیم اتحاد کی حکومت قائم ہو گئی ہے۔
Published: 10 Aug 2022, 9:43 AM IST
بہار کے سابق نائب وزیر اعلیٰ اور بی جے پی کے راجیہ سبھا کے رکن سشیل مودی نے کہا ’’وہ کہہ رہے ہیں کہ جے ڈی یو کو توڑنے کی کوشش کی گئی، شیو سینا کی مثال پیش کی گئی۔ شیو سینا ہماری اتحادی نہیں تھی، وہ وہاں کی برسراقتدار جماعت تھی۔ آپ (جے ڈی یو) ہمارے اتحادی تھے۔ ہم نے کبھی اپنے کسی اتحادی کو توڑنے کی کوشش نہیں کی۔‘‘
Published: 10 Aug 2022, 9:43 AM IST
آر جے ڈی کے راجیہ سبھا رکن نے کہا کہ یہ حکومت صرف حلف ہی نہیں لینے جا رہی ہے بلکہ 2017 سے 2022 تک کے مینڈیٹ کی گھر واپسی ہو رہی ہے۔ یہ بہت اہم ہے، کیوں کہ یہ ایسا دور ہے جب بی جے پی نے طے کر لیا ہے کہ جمہوری اقدار کو درہم برہم کرنا ہے۔ بہار نے ایک پیغام دیا ہے۔‘‘
Published: 10 Aug 2022, 9:43 AM IST
عامر خان کی نئی فلم ’لال سنگھ چڈھا‘ ریلیز سے قبل ہی زیر بحث ہے اور کئی لوگ اس کا بائیکاٹ کرنے کا اعلان کر رہے ہیں۔ عامر خان نے ایک سوال کے جواب میں کہا ’’اگر میں نے کسی بھی طرح سے سی کے جذبات کو ٹھیس پہنچائی ہے تو مجھے افسوس ہے۔ میں کسی کو ٹھیس نہیں پہنچانا چاہتا۔ اگر کوئی فلم نہیں دیکھنا چاہتا، تو میں اس کے جذبات کا احترام کرتا ہوں۔‘‘
Published: 10 Aug 2022, 9:43 AM IST
کانگریس کی جنرل سیکریٹری پرینکا گاندھی ایک مرتبہ پھر کورونا سے متاثر ہو گئی ہیں۔ انہوں نے خود ٹوئٹ کر کے اس کی اطلاع دی۔ پرینکا نے کہا کہ وہ خود کو گھر پر آئسولیٹ کرنے جا رہی ہیں اور کورونا پروٹوکول پر عمل کریں گی۔
Published: 10 Aug 2022, 9:43 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 10 Aug 2022, 9:43 AM IST