باندہ: اترپردیش کے باندہ ضلع جیل میں قید رکن اسمبلی مختارانصاری کورونا وائرس سے متاثر ہوگئے ہیں، ہفتہ کے روز محکمہ صحت کی ٹیم نے جیل کے اندر ان کا نمونہ لیا تھا اتوار کے روز کورونا کی جانچ رپورٹ میں 291 افراد کورونا وائرس سے متاثر پائے گئے ہیں، ان میں مختار انصاری سمیت جیل کے کئی قیدی پازیٹو آئے ہیں۔ تاہم، مختارانصاری کی حالت مستحکم ہے۔ باندہ میں کورونا وائرس کے متاثرین کی مجموعی تعداد 6760 تک پہنچ گئی ہے۔ ضلع میں زیر علاج مریضوں کی تعداد 1538 ہے۔ ضلع میں اب تک کورونا وائرس سے 76 اموات ہوئی ہیں۔
Published: 25 Apr 2021, 5:00 AM IST
گوالیار: مدھیہ پردیش کے گوالیار ضلع کے جھانسی مارگ پر کلیان تراہے کے نزدیک ایک بس کے بے قابو ہوکر پلٹنے سے تقریباً آدھا درجن لوگ زخمی ہوگئے۔ آنتری کے تھانہ انچارج امیت شرما نے بتایا کہ آج علی الصبح دہلی سے پونا جا رہی ایک بس گوالیار۔جھانسی مارگ پر کلیان تراہے کے نزدیک بے قابو ہوکر پلٹ گئی جس سے تقریباً آدھا درجن مسافر زخمی ہوگئے۔ اطلاع ملنے پر پولس فورس جائے واقع پر پہنچ گئی۔ زخمیوں کو بس سے اتار کر ان کا ابتدائی علاج آنتری کے اسپتال میں کرایا گیا۔ اس کے بعد انہیں دوسری بس سے ان کے گھروں کے لئے روانہ کر دیا گیا۔ بتایا گیا ہے کہ کسی گاڑی کے اوورٹیک کرتے وقت یہ حادثہ پیش آیا۔
Published: 25 Apr 2021, 5:00 AM IST
گوپال گنج: بہار میں گوپال گنج ضلع کے وجے پور تھانہ علاقہ میں کرانہ دکان میں آگ لگ جانے سے لاکھوں روپے کی املاک جل کر خاک ہوگئی۔ پولیس ذرائع نے اتوار کو یہاں بتایا کہ وجے پور بازار واقع گوپی ناتھ ورما کے کیرانہ دوکان اور مکان میں سنیچر کی دیر رات شارٹ سرکٹ سے آگ لگ گئی۔ واقعہ کے وقت گوپی ناتھ ورما اپنے کنبہ کے اراکین کے ساتھ گھرمیں سورہے تھے۔ واقعہ کی جانکاری کے بعد موقع پر پہنچی فائربریگیڈ کی ٹیم نے بڑی مشقت کے بعد آگ پر قابو پایا۔ ذرائع نے بتایا کہ آگ لگنے سے لاکھوں کی املاک جل کر خاک ہوگئی۔ حالانکہ اس میں کسی کے زخمی ہونے کی اطلاع نہیں ہے۔
Published: 25 Apr 2021, 5:00 AM IST
مہاراشٹر حکومت نے اعلان کیا ہے کہ مہاراشٹر سے تعلق رکھنے والے تمام افراد کو کورونا کا ٹیکہ مفت فراہم کیا جائے گا۔ ریاست کے وزیر اور مخلوط حکومت کی ایک اتحادی این سی پی کے لیڈر نواب ملک نے اتوار کے روز یہ اطلاع دی۔
Published: 25 Apr 2021, 5:00 AM IST
دہلی کے وزیر اعلیٰ اروند کیجریوال نے کورونا وائرس کی صورت حال میں بہتری نہ آنے کے باعث راجدھانی میں جاری لاک ڈاؤن میں توسیع کر دی ہے۔ کیجروال نے اتوار کو اعلان کیا کہ دہلی میں اب 3 مئی کو صبح 5 بجے تک لاک ڈاؤن بدستور جاری رہے گا۔
Published: 25 Apr 2021, 5:00 AM IST
مرکزی وزارت صھت کے مطابق ہندوستان میں گزشتہ 24 گھنٹوں کے دوران کورونا کے 349691 نئے کیسز کی تصدیق کی گئی، اس دوران 2767 مریضوں کی موت ہو گئی جبکہ 217113 افراد نے شفایابی حاصل کر لی۔
ہندوستان میں اب تک مجموعی طور پر 16960172 کیسز رپورٹ ہو چکے ہیں، جبکہ 14085110 افراد شفایابی حاصل کر چکے ہیں۔ مجموعی طور پر 192311 لوگوں کی موت ہو چکی ہے اور فی الحال 2682751 کیسز فعال ہیں۔ ملک میں تاحال 140915417 افراد ٹیکہ لگوا چکے ہیں۔
Published: 25 Apr 2021, 5:00 AM IST
امریکہ نے ہندوستان کی کورونا صورت حال پر ہر طرح کی مدد کرنے اور یکجہتی کا اظہار کیا ہے۔ امریکہ کے سکریٹری آف اسٹیٹ اینٹونی بلنکن نے کہا، ’’اس خطرناک کورونا بحران کے وقت ہم ہندوستانی عوام کے ساتھ کھڑے ہیں۔ ہم اپنے شراکت دار اور حکومت ہند کے ساتھ مل کر کام کر رہے ہیں اور ہندوستانی عوام اور ہیلتھ کیئر ہیروز کے لئے اضافی امداد فراہم کریں گے۔‘‘
Published: 25 Apr 2021, 5:00 AM IST
دہلی میں کورونا وبا سے حالات انتہائی خراب ہیں اور اس کےاوپر آکسیجن کی قلت نجی اسپتالوں میں ایک مسئلہ بنا ہوا ہے ایسے میں کیا دہلی حکومت لاک ڈاؤن کی مدت میں اضافہ کرسکتی ہے؟ کیجریوال نےجس ایک ہفتے کے چھوٹے لاک ڈاؤن کا اعلان کیا تھا اس کی مدت کل صبح پانچ بجے ختم ہوجائے گی اور اگر اس میں توسیع کرنی ہو گی تو اس کا اعلان آ ج ہی کر نا ہوگا۔ حکومت کے اوپر کئی تنظیموں کی جانب سے دباؤ ہے کے اس میں توسیع کی جائے۔
Published: 25 Apr 2021, 5:00 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 25 Apr 2021, 5:00 AM IST
تصویر: پریس ریلیز