سی بی آئی اور ای ڈی کی ٹیمیں بدھ کی شام سابق وزیر داخلہ اور وزیر خزانہ کی رہائش گاہ پر پہنچی اور تقریباً ایک گھنٹے تک وہاں ڈیرہ ڈالنے کے بعد پی چدمبرم کو حراست میں لے لیا گیا۔
میڈیای رپورٹوں کے مطابق پی چدمبرم کو حراست میں لئے جانے کے بعد انہیں سی بی آئی کے صدر دفتر میں لے جا رہی ہے، جہاں سی بی آئی کے ڈائریکٹر اور جوائنٹ ڈائریکٹر پہلے سے ہی موجود ہیں۔ سی بی آئی کے سینئر افسر بھی یہاں پہنچ رہے ہیں، میڈیا رپورٹوں کے مطابق سینئر افسران پی چدمبرم سے پوچھ گچھ کریں گے۔
Published: 21 Aug 2019, 9:10 AM IST
دریں اثنا پی چدمبرم کے صاحب زادہ کارتی چدمبرم نے ٹوئٹ کر کے معاملہ کو سنسنی خیز بنانے کا الزام عائد کیا۔ انہوں نے ٹوئٹ میں کہا، ’’یہ سارا ڈرامہ تفتیشی ایجنسیوں کی طرف سے معاملہ کو سنسنی خیز بنانے کے لئے کیا گیا ہے۔ اس مشکل وقت ہمارا ساتھ دینے کے لئے میں کانگریس، راہل گاندھی، پرینکا گاندھی، کپل سبل، ابھیشیک منو سنگھوی اور سلمان خورشید کا شکر گزار ہوں۔‘‘
Published: 21 Aug 2019, 9:10 AM IST
ای ڈی کی طرف سے کارروائی اور سپریم کورٹ کی طرف سے راحت نہ ملنے کے بعد بدھ کی شام سابق وزیر خزانہ پی چدمبرم نے کانگریس کے صدر دفتر میں پریس کانفرنس سے خطاب کیا اور خود پر لگے تمام الزامات کو یکسر مسترد کر دیا۔
پی چدمبرم نے کہا کہ میں قانون کی عزت کرتا ہوں اور تمام ایجنسیوں کو جمعہ تک انتظار کرنا چاہئے۔ انہوں نے کہا کہ میں نے یا میرے خاندان کے کسی رکن نے کوئی جرم نہیں کیا ہے اور میرے خلاف جو بھی کارروائی ہو رہی ہے وہ غلط ذہنیت کے تحت کی جا رہی ہے۔
Published: 21 Aug 2019, 9:10 AM IST
جموں: پاکستانی فوجیوں نے ایک مرتبہ پھر جنگ بندی کی خلاف ورزی کرتے ہوئے بدھ کو جموں وکشمیر کے راجوری ضلع میں لائن آف کنٹرول پر گولہ باری کی۔
دفاعی ترجمان نے بتایا کہ دوپہر تقریبا 14:45بجے پاکستانی فوجیوں نے سندر بنی سیکٹرمیں چھوٹے ہتھیاروں سے گولہ باری کی اور مارٹر سے گولے داغے۔ جوابی کارروائی میں ہندوستانی فوجیوں نے بھی گولیاں چلائیں۔
اس سے پہلے منگل کو پونچھ ضلع کے کرشنا گلی سیکٹرمیں ایل او سی پر پاکستانی فوجیوں نے سرحد پار سے گولی باری کی تھیں جس میں ہندوستانی فوج کا ایک جوان ہلاک ہوگیا۔ ہندوستانی فوجیوں نے بھی اس کا معقول جواب دیتے ہوئے پاکستانی فوج کی چوکیوں کو زبردست نقصان پہنچایا۔
Published: 21 Aug 2019, 9:10 AM IST
بہار کے بکسر شہر میں چترنجن سنگھ نامی ایک وکیل کو گولی مار کر قتل کر دیا گیا ہے۔ انہیں نامعلوم بندوق برداروں نے ان کے چیمبر کے باہر گولی کا نشانہ بنایا۔ میڈیا رپورٹوں کے مطابق ان کا قتل زمینی تنازعہ کی وجہ سے انجام دیا گیا ہے۔
Published: 21 Aug 2019, 9:10 AM IST
معیشت کے بگڑتے حالات پر کانگریس جنرل سکریٹری پرینکا گاندھی نے مودی حکومت پر حملہ بولا ہے۔ کانگریس جنرل سکریٹری نے ٹوئٹ کر کہا کہ اخباروں میں اشتہار کو دیکھ کر معیشت کی اصلیت پتہ چل رہی ہے۔ انھوں نے ٹوئٹ کر کہا کہ ’’یہ اشتہار معیشت کے بارے میں بی جے پی حکومت کے دعووں کی اصلیت کی پول کھول رہے ہیں۔‘‘
پرینکا گاندھی نے اپنے ٹوئٹ میں آگے کہا کہ ’’ابھی تک انڈسٹریل ادارے اشتہار دیتی تھیں کہ ہم آگے بڑھ رہے ہیں۔ بی جے پی حکومت کے دور میں کئی انڈسٹریز کو اشتہار دے کر کہنا پڑ رہا ہے کہ ہم ڈوب رہے ہیں، ہمیں بچاؤ۔ باقی آپ سمجھ سکتے ہیں!‘‘
Published: 21 Aug 2019, 9:10 AM IST
جموں و کشمیر سے دفعہ 370 ہٹائے جانے کے بعد جموں میں دھیرے دھیرے اسکول و کالج کھل گئے ہیں اور اب یہاں کے کئی مدرسے بھی دوبارہ کھولے گئے ہیں۔ بچے مدرسوں میں پڑھنے کے لیے آ رہے ہیں اور بچیاں بھی ان میں شامل ہیں۔
Published: 21 Aug 2019, 9:10 AM IST
اتراکھنڈ کے اتر کاشی میں ایک ہیلی کاپٹر حادثے کا شکار ہو گیا۔ اس واقعہ میں ہیلی کاپٹر میں سوار سبھی تین لوگوں کی موت ہو گئی۔ بتایا جا رہا ہے کہ اتر کاشی میں بادل پھٹنے کے سبب ہوئے حادثے کے بعد چلائے جا رہے راحتی کیمپ اور بچاؤ کام میں اس ہیلی کاپٹر کو لگایا گیا تھا۔ اس ہیلی کاپٹر میں کیپٹن لال، کو-پائلٹ شیلیش اور ایک مقامی شخص راج پال سوار تھے۔ جائے حادثہ پر 10 ممبروں کی ایک ٹیم روانہ کی گئی ہے۔
Published: 21 Aug 2019, 9:10 AM IST
راہل گاندھی نے پی چدمبرم کے خلاف سی بی آئی اور ای ڈی کی کارروائی کو قابل مذمت قرار دیا ہے۔ انھوں نے ٹوئٹ کر کے کہا ہے کہ ’’مودی حکومت ای ڈی، سی بی آئی اور میڈیا کے کچھ طبقات کا استعمال کر پی چدمبرم کی شبیہ کو خراب کرنے کی کوشش کر رہی ہے۔‘‘
Published: 21 Aug 2019, 9:10 AM IST
اتر پردیش کی یوگی آدیتہ ناتھ کابینہ کی آج پہلی توسیع عمل میں آئی۔ کل 23 وزراء نے آج وزارت کا حلف لیا۔ ان وزراء میں 6 نے کابینہ وزیر، 6 نے ریاستی وزیر (آزادانہ چارج) اور 11 نے ریاستی وزیر کا حلف لیا۔
Published: 21 Aug 2019, 9:10 AM IST
چدمبرم کے لیے ملک کے سینئر وکلاء کی ٹیمس پریم کورٹ میں موجود ہے اور ان وکیلوں نے دہلی ہائی کورٹ کے حکم پر روک لگانے کا مطالبہ کیا ہے۔ جسٹس رمنا کی عدالت میں سماعت شروع ہو چکی ہے۔ جسٹس رمنا نے کہا کہ ’’وہ اس معاملے پر کوئی حکم نہیں دے رہے ہیں، اس معاملے کو وہ چیف جسٹس کے پاس بھیج رہے ہیں۔ چیف جسٹس ہی اس معاملے کو دیکھیں گے۔‘‘ قابل ذکر ہے کہ چدمبرم نے پیشگی ضمانت کی عرضی سپریم کورٹ میں داخل کی ہے جب کہ سی بی آئی کا کہنا ہے کہ چدمبرم پر منی لانڈرنگ کا سنگین معاملہ عائد کیا گیا ہے اس لیے پیشگی ضمانت نہیں ملنی چاہیے۔ دوسری طرف چدمبرم کا کہنا ہے کہ ان پر جو بھی الزامات لگائے گئے ہیں وہ بے بنیاد ہیں اور ان پر سیاسی بدلے کی کارروائی کی جا رہی ہے۔
Published: 21 Aug 2019, 9:10 AM IST
مودی حکومت کے ذریعہ سابق وزیر مالیات اور وزیر داخلہ پی چدمبرم کو نشانہ بنائے جانے سے متعلق کانگریس کی جنرل سکریٹری پرینکا گاندھی نے موجودہ حکومت کو تنقید کا نشانہ بنایا ہے۔ انھوں نے ٹوئٹ کرتے ہوئے کہا ہے کہ ’’راجیہ سبھا کے ایک انتہائی اہل اور معزز رکن پی چدمبرم جی نے وزیر مالیات اور وزیر داخلہ کی شکل میں دہائیوں تک خلوص نیتی کے ساتھ ہمارے ملک کی خدمت کی ہے۔ وہ حکومت کی ناکامیوں کو ظاہر کرتے رہے ہیں۔ لیکن ڈری ہوئی حکومت انھیں شرمناک طریقے سے نشانہ بنا رہی ہے۔‘‘ کانگریس جنرل سکریٹری نے یہ بھی کہا کہ ہم ان کے ساتھ کھڑے ہیں اور سچائی کے لیے لڑتے رہیں گے چاہے کوئی بھی نتیجہ ہو۔
Published: 21 Aug 2019, 9:10 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 21 Aug 2019, 9:10 AM IST