این آر سی ہماچل پردیش میں بھی نافذ کیے جانے کی تیاری چل رہی ہے۔ مرکزی وزیر داخلہ امت شاہ نے این آر سی کو پورے ملک میں نافذ کرنے کا بیان دیا تھا، جس پر ہماچل پردیش کے وزیر اعلیٰ جے رام ٹھاکر نے بھی حامی بھر دی ہے۔ پڑوسی ریاست ہریانہ بھی این آر سی نافذ کرنے جا رہا ہے۔ میڈیا میں آ رہی خبروں کے مطابق وزیر اعلیٰ جے رام ٹھاکر نے کہا کہ جس سمت میں پورا ملک آگے بڑھ رہا ہے، اس سمت میں ہم بھی آگے بڑھیں گے۔ امت شاہ نے جو ایشو رکھا ہے، اسے ہم سہل انداز میں قبول کرتے ہیں۔ ایسا نہیں ہونا چاہیے کہ کوئی بھی یہاں آ کر بس جائیں۔
Published: 19 Sep 2019, 9:10 AM IST
ایک چونکا دینے والے واقعہ میں جادو کرنے کے شبہ میں ایک شخص کو مارپیٹ کرکے ہلاک کردیا گیا اور لاش کوخاتون کی جلتی ہوئی لاش کے قریب پھینک دیاگیا۔ یہ واقعہ حیدرآباد کے شاہ میر پیٹ کے ادراس پلی گاوں میں پیش آیا۔پولیس کے مطابق یہ واقعہ لکشمی نامی خاتون کی موت کے بعد پیش آیا۔یہ خاتون جو پانچ سال سے بیمار تھی، کی موت ہوگئی جس کے بعد اس کی آخری رسومات گاوں کے نواحی علاقہ میں انجام دی گئی۔پولیس ذرائع کے مطابق شمشان گھاٹ کے قریب ایک شخص انجینلو گیا اور اس نے لکشمی کے رشتہ دار کو پکڑ لیا اور اس پر الزام لگایا کہ اس نے جادو کرتے ہوئے خاتون کو ہلاک کیا ہے۔بعد ازاں دیہاتیوں نے اس کی پکڑ کر شمشان گھاٹ میں ہی پٹائی کردی اور اس کی موت کے بعد اس کی لاش لکشمی کی چتا کے قریب ڈال دیا۔شاہ میر پیٹ پولیس کو دیہاتیوں سے یہ اطلاع ملی جس کے بعد وہ وہاں پہنچی اور لاش کو پوسٹ مارٹم کے لئے بھیج دیا۔پولیس نے دو افراد کو شبہ کی بنیاد پر گرفتار کرلیا جن سے پوچھ گچھ کی جارہی ہے۔
Published: 19 Sep 2019, 9:10 AM IST
شاہجہاں پور کیس کے ملزم بی جے پی لیڈر چنمیانند کو ابھی تک گرفتار نہیں کیا گیا ہے۔ اس سلسلے میں کانگریس نے بی جے پی حکومت سے سوال کیا ہے۔ کانگریس نے پوچھا ہے کہ آخر بی جے پی حکومت چنمیانند کو بچانے میں کیوں لگی ہے؟ کانگریس نے ٹوئٹ کر لکھا ہے کہ ’’بی جے پی لیڈر چنمیانند جتنی دیر تک باہر رہیں گے اتنا ہی ثبوتوں کے ساتھ چھیڑ چھاڑ کریں گے اور اسے مٹائیں گے۔ بی جے پی حکومت چنمیانند کو کیوں بچا رہی ہے؟‘‘
Published: 19 Sep 2019, 9:10 AM IST
شیئر بازار میں کہرام مچا ہوا ہے۔ سنسیکس اور نفٹی دونوں کا کاروبار نیچے گرتا جا رہا ہے۔ سنسیکس 400 سے زیادہ پوائنٹ نیچے گر گیا ہے۔ دوسری طرف نفٹی بھی 125 پوائنٹ گر گیا ہے۔ سنسیکس فی الحال 36162.70 پر ہے جب کہ نفٹی 10715.45 پر ہے۔
Published: 19 Sep 2019, 9:10 AM IST
کانگریس نے معیشت کے مسئلہ پر مرکز کی مودی حکومت سے سوال پوچھا ہے۔ کانگریس نے کہا ہے کہ ہماری معیشت انتہائی بحرانی صورت میں ہے۔ اس کے باوجود حکومت نتیجہ خیز قدم کیوں نہیں اٹھا رہی ہے۔ کانگریس نے ٹوئٹ کر کے لکھا ہے کہ ’’جب لوگ بنیادی اور ضروری چیزیں نہیں خرید رہے ہیں، جب سیکٹر در سیکٹر مندی کی مار جھیلنے کے لیے مجبور ہیں، تو آپ جانتے ہیں کہ ہماری معیشت سنگین بحران میں ہے۔ ہندوستان کو اس مشکل سے باہر نکالنے کے لیے حکومت نتیجہ خیز قدم کیوں نہیں اٹھا رہی ہے؟‘‘
Published: 19 Sep 2019, 9:10 AM IST
مہاراشٹر اسمبلی انتخاب سے پہلے سیٹوں کی تقسیم کو لے کر بی جے پی-شیو سینا میں تلخی بڑھتی جا رہی ہے۔ شیو سینا کے سینئر لیڈر سنجے راؤت نے واضح کر دیا ہے کہ ان کی پارٹی برابری کی حالت میں ہی بی جے پی کے ساتھ مل کر انتخاب لڑے گی۔ سنجے راؤت نے کہا کہ ’’جب امت شاہ اور وزیر اعلیٰ (دیویندر فڑنویس) کے درمیان بات چیت کے دوران 50-50 فارمولہ اپنانے کا فیصلہ کر لیا گیا تو یہ بیان (دیواکر راؤتے کا بیان) غلط نہیں ہے۔ انتخاب ساتھ (بی جے پی) لڑیں گے، کیوں نہیں لڑیں گے۔‘‘
Published: 19 Sep 2019, 9:10 AM IST
ٹرانسپورٹرس کی ہڑتال کی وجہ سے دہلی-این سی آر میں لوگوں کو کافی پریشانیوں کا سامنا کرنا پڑ رہا ہے۔ دفتر جانے کے لیے لوگ گھروں سے تو نکلے لیکن انھیں سڑک سے آٹو-ٹیکسی وغیرہ ندارد نظر آئے۔ سرکاری بسوں میں اس کی وجہ سے کافی بھیڑ دیکھی گئی اور اسکول و کالجوں کے بچے اس کی گیٹ پر لٹک کر سفر کرتے ہوئے بھی نظر آئے۔ کئی مقامات پر ہڑتال کرنے والوں نے اولا اور اوبیر کو بھی روکا۔
Published: 19 Sep 2019, 9:10 AM IST
ٹرانسپورٹروں کا ہڑتال حالانکہ پورے ملک میں ہے لیکن دہلی-این سی آر میں اس کا اثر کافی زیادہ دیکھنے کو مل رہا ہے۔ دہلی-این سی آر میں کئی جگہ اولا اور اوبیر کو ٹرانسپورٹرس کے لوگ رکوا رہے ہیں جس سے لوگ کافی پریشان ہیں۔ یہ ہڑتال مودی حکومت کے ذریعہ نئے ٹریفک قانون اور بڑھے ہوئے چالان کے خلاف ہے۔
Published: 19 Sep 2019, 9:10 AM IST
مودی حکومت کے ذریعہ ٹریفک قانون میں کی گئی تبدیلیوں کے خلاف آج 19 ستمبر کو یونائٹیڈ فرنٹ آف ٹرانسپورٹ ایسو سی ایشن (یو ایف ٹی اے) نے یک روزہ ہڑتال کا اعلان کیا ہے۔ اس ہڑتال کے مدنظر دہلی-این سی آر میں لوگوں کو خاصہ پریشانی کا سامنا کرنا پڑ سکتا ہے۔ پریشانی سے بچنے کے لیے کئی اسکول نے بند رکھنے کا فیصلہ کر لیا ہے۔ حالانکہ اسکول کو بند رکھنے کے سلسلے میں حکومت نے کوئی صلاح یا حکم جاری نہیں کیا ہے۔ لیکن پرائیویٹ آپریٹروں کے ذریعہ بسوں کی عدم دستیابی کے سبب اسکول کو بند کرنے کا اعلان کیا گیا ہے۔ ہڑتال کا اعلان کرنے والے ادارہ یو ایف ٹی اے میں ٹرک، بس، آٹو، ٹیمپو، میکسی، کیب اور ٹیکسیوں کا دہلی/این سی آر میں نمائندگی کرنے والے 41 یونین اور ایسو سی ایشن شامل ہیں۔ اس بند کے دوران چونکہ اولا اور اوبیر بھی بند رہیں گے اس لیے مسافروں کو پریشانی کا سامنا کرنا پڑے گا۔
Published: 19 Sep 2019, 9:10 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 19 Sep 2019, 9:10 AM IST