ہریانہ کے یمنا نگر میں راون دَہن کے دوران جلتا ہوا راون کا پتلہ وہاں موجود لوگوں کے اوپر گر گیا۔ اس حادثہ میں کچھ افراد کے زخمی ہونے کی اطلاع ہے۔ انھیں فوری طور پر قریبی اسپتال میں داخل کرایا گیا ہے۔
Published: 05 Oct 2022, 9:23 AM IST
ممبئی کے ایچ این ریلائنس اسپتال میں آج دھمکی بھرا کال ریسیور کیا گیا۔ ڈی سی پی نیلوتپل نے بتایا کہ فون کرنے والے نے اسپتال میں دھماکہ کرنے کی دھمکی دی۔ اس نے امبانی فیملی کے کچھ اراکین کو جان سے مارنے کی بھی دھمکی دی ہے۔ اس معاملے میں ایف آئی آر درج کر کے جانچ شروع کر دی گئی ہے۔ اسپتال اور انٹیلیا کی سیکورٹی بھی بڑھا دی گئی ہے۔ جلد ہی ملزم کو گرفتار کر لیا جائے گا۔
Published: 05 Oct 2022, 9:23 AM IST
تلنگانہ راشٹر سمیتی کے ایک اجلاس کے دوران پارٹی کا نام تبدیل کیا گیا ہے۔ حیدرآباد کے تلنگانہ بھون میں منعقد اجلاس کے دوران متفقہ طور پر ’تلنگانہ راشٹر سمیتی‘ (ٹی آر ایس) کا نام ’بھارت راشٹر سمیتی‘ (بی آر ایس) کرنے کا فیصلہ کیا گیا۔
Published: 05 Oct 2022, 9:23 AM IST
انڈین آرمی کا کہنا ہے کہ ایک چیتا ہیلی کاپٹر اروناچل پردیش کے توانگ علاقہ میں حادثہ کا شکار ہو گیا۔ اس حادثہ میں ایک پائلٹ کی جان چلی گئی۔ آرمی کے مطابق دونوں پائلٹوں کو علاج کے لئے نزدیکی اسپتال پہنچایا گیا تھا، جہاں ایک پائلٹ لیفٹیننٹ سوربھ یادو کی جان چلی گئی۔
Published: 05 Oct 2022, 9:23 AM IST
وزیر اعظم نریندر مودی اس وقت ہماچل پردیش کے دورے پر ہیں۔ جہاں انہوں نے 1470 کروڑ کی لاگ سے تیار ایمس بلاس پور کا افتتاح کیا ہے۔ اس موقع پر وزیر اعلیٰ جے رام ٹھاکر، مرکزی وزیر انوراگ ٹھاکر اور بی جے پی کے سربراہ جے پی نڈا بھی موجود تھے۔
Published: 05 Oct 2022, 9:23 AM IST
آر ایس ایس سربراہ موہن بھاگوت نے کہا ’’روزگار مطلب نوکری اور نوکری کے پیچھے ہی بھاگیں گے اور وی بھی سرکاری! اگر ایسے سبھی لوگ دوڑیں گے تو کتنی ملازمتیں دی جا سکتی ہیں؟ کسی بھی سماج میں سرکاری اور پرائیویٹ ملا کر زیادہ سے زیادہ 10، 20 30 فیصد نوکری ہوتی ہیں۔ باقی سب کو اپنا کام کرنا پڑتا ہے۔‘‘
Published: 05 Oct 2022, 9:23 AM IST
کانگریس لیڈر راہل گاندھی نے ملک کے باشندگان کو دسہرہ یعنی وجے دشمی کی مبارک باد پیش کی ہے۔ انہوں نے ٹوئٹر پر لکھا، ’’نفرت کی لنکا جلے، ہنسا (تشدد) کا میگھناد مٹے۔ اہنکار (تکبر) کے راون کا خاتمہ ہو، ستیہ (سچائی) کی استیہ (جھوٹ) پر وجے (جیت) ہو۔ تمام ہموطنوں کو وجے دشمی کی دلی مبارک باد۔‘‘
Published: 05 Oct 2022, 9:23 AM IST
مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا کے 2468 کیسز کی تصدیق کی گئی ہے۔ ملک بھر میں اب کورونا کے فعال کیسز کی تعداد 33318 ہو گئی ہے۔
Published: 05 Oct 2022, 9:23 AM IST
اتراکھنڈ کے پوڑی ضلع میں باراتیوں سے بھری ایک بس کے گہری کھائی میں گر جانے سے دلخراش حادثہ پیش آیا۔ اس حادثہ میں اب تک 25 افرد ہلاک ہوئے ہیں جبکہ متعدد لاپتہ ہیں۔ پولیس اور ایس ڈی آر ایف نے راتوں رات آپریشن چلا کر 21 افراد کو زندہ نکال لیا۔ کئی افراد شدید طور پر زخمی ہوئے ہیں جنہیں علاج کے لئے نزدیکی اسپتالوں میں داخل کیا گیا ہے۔
Published: 05 Oct 2022, 9:23 AM IST
مہاراشٹر میں کئی گاڑیوں اور ایک امبولنس کے درمیان ہونے والے تصادم کے نتیجہ میں 5 افراد کی جان چلی گئی ہے۔ علی صبح ممبئی کے باندرا-ورلی سی لنک پر پیش آنے والے اس حادثہ متعدد افراد زخمی بھی ہوئے ہیں، جو زیر علاج ہیں۔
Published: 05 Oct 2022, 9:23 AM IST
کشمیر کے شوپیاں میں سیکورٹی فورسز سے تصادم میں 3 مقامی ملی ٹینٹ ہلاک ہو گئے۔ پولیس کے مطابق ہلاک ہونے والے ملی ٹینٹ جیش محمد سے وابستہ تھے۔ اے ڈی جی پی کشمیر وجے کمار نے بتایا ’’ہلاک ہونے والے ملی ٹینٹ حنان بن یعقوب اور جمشید پلوامہ میں ایس پی او جاوید احمد ڈار اور ایک بنگالی مزدور کے قتل کی واردات میں ملوث تھے۔‘‘
Published: 05 Oct 2022, 9:23 AM IST
کورونا وائرس کے پھیلاؤ میں کمی کے پیش نظر ڈی ڈی ایم اے (ڈہلی ڈیزاسٹر منیجمنٹ اتھارٹی) نے فیصلہ کیا ہے کہ اب قومی راجدھانی میں کھلے مقامات پر ماسک نہ پہننے پر 500 روپے کا جرمانہ وصول نہیں کیا جائے گا۔ یہ فیصلہ یکم اکتوبر سے نافذ العمل قرا دیا گیا ہے۔
Published: 05 Oct 2022, 9:23 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 05 Oct 2022, 9:23 AM IST
تصویر بشکریہ جمال عباس فہمی
تصویر: سوشل میڈیا