اہم خبریں: راہل گاندھی نے ٹیم انڈیا کو جیت پر مبارکباد دی

نئی دہلی: کانگریس کے سابق صدر راہل گاندھی نے ہندوستان اور پاکستان کے درمیان کھیلے گئے ٹی 20 ورلڈ کپ کے سنسنی خیز مقابلے میں ہندوستان کی جیت پر خوشی کا اظہار کیا ہے۔ اتوار کو آسٹریلیا کے شہر میلبورن میں دونوں ممالک کی ٹیموں کے درمیان کھیلے گئے سنسنی خیز مقابلے میں ہندستانی ٹیم نے شاندار کھیل کا مظاہرہ کرتے ہوئے پاکستان کو شکست دے دی۔ ایک ٹوئٹ میں ٹیم انڈیا کو مبارکباد دیتے ہوئے راہل گاندھی نے کہا، ''پاکستان کے خلاف سنسنی خیز میچ دیکھنے کے قابل تھا۔ دباؤ میں یہ سب سے بڑی فتح تھی۔ ٹیم انڈیا کی شاندار کارکردگی۔ آنے والے میچوں کے لیے نیک خواہشات۔"

ٹی 20 عالمی کپ میں ہندوستان نے پاکستان کو سنسنی خیز مقابلہ کے دوران 4 وکٹ سے شکست دے دی ہے۔ پاکستان نے پہلے بلے بازی کرتے ہوئے مقررہ 20 اوورز میں 159 رن بنائے۔ جواب میں وراٹ کوہلی کے 82 اور ہاردک پانڈیا کے 40 رن کی بدولت ہندوستان نے 20 اوور میں 6 وکٹ پر ہدف کا کامیابی کے ساتھ تعاقب کیا۔

دنیش کارتک کے طور پر ہندوستان کو آخری اوور کی پانچویں گیند پر چھٹا جھٹکا لگا ہے۔ دنیش کارتک ایک رن بنا کر محمد نواز کی گیند پر آؤٹ ہوئے۔

ہندوستان کو ہاردک پانڈیا کے طور پر پانچواں جھٹکا لگا ہے۔ انہوں نے 40 رن بنائے اور بابر اعظم کی گیند پر کیچ آؤٹ ہوئے۔ ہندوستان کو اب جیت کے لئے 5 گیندوں میں 16 رن درکار ہیں۔

وراٹ کوہلی نے 19 ویں اوور کی آخری دو گیندوں میں دو چھکے لگا کر ہندوستان کی امیدوں کو برقرار رکھا۔ 19 ویں اوور میں ٹیم انڈیا نے 17 رن بنائے اور ہندوستان کا اسکور 144/4 ہو گیا ہے اور اب جیت کے لئے 6 گیندوں میں 16 رن درکر ہیں۔

ٹی 20 عالمی کپ میں روایتی حریف ہندوستان اور پاکستان کے درمیان کھیلا جا رہا مقابلہ سنسنی خیز ہو گیا ہے۔ ہندوستان 160 رنوں کے ہدف کا تعاقب کرتے ہوئے 129 رن بنا چکا ہے اور 6 وکٹ اس کے ہاتھ میں ہیں۔ فی الحال ٹیم انڈیا کو 12 گیندوں میں جیت کے لئے 31 رن درکار ہیں۔

ہندوستان کو اب جیت کے لئے 17 گیندوں میں 43 رن درکار ہیں۔ میدان پر وراٹ کوہلی 50 رن بنا کر جبکہ پنڈیا 37 رن بنا کر کھیل رہے ہیں۔

پاکستان کے خلاف کھیلتے ہوئے ہندوستان نے 159 رنوں کا تعاقب کرتے ہوئے 10 اوور میں 4 وکٹ پر 45 رن بنائے ہیں۔ ہندوستان نے دونوں سلامی بلے باز کے ایل راہل اور روہت شرما 4-4 رن بنا کر آؤٹ ہوئے۔ جبکہ سوریہ کمار اور اکشر پٹیل نے بالترتیب 15 اور 2 رن اسکور کئے۔ پاکستان کی جانب سے حارث رؤف نے دو جبکہ نسیم شاہ نے ایک وکٹ حاصل کیا۔ جبکہ اکشر پٹیل کو بابر اعظم نے رن آؤٹ کیا۔

ہندوستان نے پاکستان کی طرف سے مقرر کردہ 160 رونوں کے ہدف کا تعاقب کرتے ہوئے 31 رن کے اسکور پر 4 وکٹ کھو دئے ہیں۔

ارشدیپ سنگھ نے آصف علی کو 2 رن کے ذاتی اسکور پر آؤٹ کر کے پاکستان کو ساتواں جھٹکا دے دیا ہے۔ پاکستان کا اسکول اب 16.4 اوور میں 7 وکٹ پر 120 ہے۔ ارشدیپ سنگھ نے اب تک 3 وکٹ حاصل کئے ہیں۔ وہیں، ہارک پانڈیا نے بھی تین وکٹ حاصل کئے ہیں جبکہ محمد شامی نے ایک وکٹ حاصل کیا ہے۔

ہندوستان نے پاکستان کو چھٹا جھٹکا دے دیا ہے۔ ہارک پانڈیا نے محمد نواز کو 9 کے اسکور پر آؤٹ کر دیا۔ فی الحال پاکستان کا اسکور 15.5 اوور میں 6 وکٹ پر 115 رن ہے۔

پاکستان کو پانچواں جھٹکا لگا ہے۔ حیدر علی دو رنز بنانے کے بعد آؤٹ ہوئے۔ حیدر کو ہاردک پانڈیا نے سوریہ کمار یادو کے ہاتھوں کیچ کرایا۔ 13.6 اوورز کے بعد پاکستان کا اسکور 5 وکٹوں پر 98 رنز ہے۔ شان مسعود 31 اور محمد نواز ایک رن پر ہیں۔

پاکستان کو لگاتار دو جھٹکے لگے ہیں۔ پہلے محمد شامی نے افتخار احمد کو ایل بی ڈبلیو کرایا، اس کے بعد شاداب خان کو ہاردک پانڈیا نے آؤٹ کیا۔ پاکستان کا اسکور فی الحال 4 وکٹ پر 98 رن ہے۔

ٹی 20 عالمی کپ کے میچ میں ہندوستان کے خلاف کھیلتے ہوئے پاکستان نے 10 اوور میں 2 وکٹ پر 60 رن بنائے ہیں۔

پاکستان کا سکور 6 اوورز کے اختتام پر 2 وکٹوں پر 32 رنز ہے۔ شان مسعود 19 اور افتخار احمد 7 رنز بنا کر کھیل رہے ہیں۔ مسعود نے اپنی اننگز میں دو چوکے لگائے۔ پاکستان کے بابر اعظم اور محمد رضوان کے طور پر اب تک 2 وکٹ گرے ہیں اور دونوں ہی ارشدیپ سنگھ نے حاصل کئے ہیں۔

پاکستان کے خلاف ٹی 20 عالمی کپ کے اہم مقابلہ میں ہندوستانی ٹیم نے ٹاس جیت کر پہلے گیند بازی کا فیصلہ کیا ہے۔

چین کے صدر شی جن پنگ نے اتوار کے روز تاریخی تیسری مدت اقتدار حاصل کرنے میں کامیابی حاصل کر لی۔ وہ ایک مرتبہ پھر چین کے صدر مقرر ہونے جا رہے ہیں۔ اسی کے ساتھ جن پنگ نے ملک کے بانی ماؤ زے تنگ کے بعد سے سب سے بااثر رہنما کے طور پر اپنی حیثیت کو مزید مستحکم کر لیا۔

وزیر اعظم نریندر مودی آج ایودھیا میں ہونے والے دیپوتسو میں شرکت کریں گے۔ اس موقع پر شہر میں حفاظت کے پختہ انتظامات کئے گئے ہیں۔ وزیر اعظم یہاں پہلے رام للا براجمان کا درشن کریں گے، اس کے بعد شری رام جنم بھومی تیرتھ کشیترا کا دورہ کریں گے۔

قومی راجدھانی دہلی میں سردی کے زیر اثر فضائی آلودگی بڑھ رہی ہے۔ آج صبح راجدھانی کو دھند کی چادر میں لپٹا ہوا پایا گیا۔ سفر انڈیا ایئر کوالٹی سروز کے مطابق دہلی کا آج کا ایئر کوالٹی انڈیکس 266 درج کیا گیا ہے۔ دیوالی کے موقع پر ہونے والی آتش بازی کے سبب اس کے مزید تشویش ناک ہونے کا امکان ہے۔