دوردرشن کی مشہور اور پہلی انگلش نیوز اینکر گیتانجلی ایر کا بدھ کے روز 76 سال کی عمر میں انتقال ہو گیا۔ تقریباً 30 سال تک انھوں نے نیشنل براڈکاسٹر پر اپنی خدمات دیں۔ 1971 میں گیتانجلی نے دوردرشن جوائن کیا تھا۔ تین دہائی کے دوران انھیں چار مرتبہ بیسٹ نیوز اینکر کا ایوارڈ حاصل ہوا تھا۔
Published: 07 Jun 2023, 12:46 PM IST
اڈیشہ کے جاجپور روڈ ریلوے اسٹیشن پر بدھ کے روز ایک مال گاڑی کی زد میں آنے سے 4 مزدوروں کی موت ہو گئی۔ حادثے میں کئی دیگر افراد زخمی بھی بتائے جا رہے ہیں۔ موصولہ اطلاع کے مطابق حادثے کے وقت زبردست بارش ہو رہی تھی۔ اس وجہ سے مزدور ٹریک پر کھڑی مال گاڑی کے نیچے بیٹھ گئے۔ مال گاڑی میں انجن نہیں لگا تھا اور بارش کی وجہ سے گاڑی چل پڑی اور مزدوروں کو اس کے نیچے سے نکلنے کا موقع نہیں ملا۔
Published: 07 Jun 2023, 12:46 PM IST
اتر پردیش کے لکھنؤ میں قیصر باغ کورٹ احاطہ میں مختار انصاری کے قریبی گینگسٹر سنجیو مہیشوری جیوا کا گولی مار کر قتل کر دیا گیا ہے۔ اس دوران ایک بچی کو بھی گولی لگی ہے۔ سنجیو کا جس وقت قتل ہوا، اس وقت وہ پولیس حراست میں تھا۔
Published: 07 Jun 2023, 12:46 PM IST
دہلی کے وزیر اعلیٰ اروند کیجریوال نے لکھنؤ میں یوپی کے سابق وزیر اعلیٰ اکھلیش یادو سے ملاقات کی ہے۔ ان کے ساتھ پنجاب کے وزیر اعلیٰ سمیت عآپ کے دیگر لیڈران بھی موجود تھے۔ کیجریوال نے اکھلیش یادو سے دہلی میں افسران کی تعیناتی اور تبادلوں کے اختیار پر مبنی آرڈیننس کے خلاف حمایت طلب کی۔
Published: 07 Jun 2023, 12:46 PM IST
کولہاپور میں مغل بادشاہ اورنگزیر کی تعریف میں کی گئی سوشل میڈیا پوسٹ کے خلاف بھڑکنے والے فرقہ وارانہ تشدد کے بعد اب حالات قابو میں ہیں۔ پولیس کا کہنا ہے کہ اب تک 21 افراد کو حراست میں لیا گیا ہے اور حالات پرسکون ہیں۔
Published: 07 Jun 2023, 12:46 PM IST
ٹیم انڈیا کے کھلاڑی اڈیشہ ٹرین حادثہ کے مہلوکین کو خراج عقیدت پیش کرنے کے لیے ٹیسٹ چیمپین شیپ کے فائنل میں سیاہ پٹی باندھ کر کھیل رہے ہیں۔ خیال رہے کہ اس مقابلہ میں ہندوستان آسٹریلیا کے مد مقابل ہے اور میچ شروع ہو چکا ہے۔
Published: 07 Jun 2023, 12:46 PM IST
سی بی آئی کی ٹیم اوڈیشہ کے بالاسور میں تین ٹرینوں کے تصادم سے ہونے والے حادثے کے مقام پر پہنچ گئی ہے۔ سی بی آئی کی ٹیم کے ذریعہ زمینی جانچ کا یہ دوسرا دن ہے۔
Published: 07 Jun 2023, 12:46 PM IST
اولمپک میڈلسٹ پہلوان بجرنگ پونیا اور ساکشی ملک مرکزی وزیر کھیل انوراگ ٹھاکر سے ملنے ان کی رہائش گاہ پر پہنچے ہیں۔ تاہم اس میٹنگ سے پہلے پہلوانوں نے واضح کر دیا ہے کہ وہ بی جے پی کے رکن پارلیمنٹ اور ریسلنگ ایسوسی ایشن کے صدر برج بھوشن شرن سنگھ کی گرفتاری سے کم کسی چیز کو قبول نہیں کریں گے۔ خیال رہے کہ مرکزی وزیر انوراگ ٹھاکر نے پہلوانوں کو بات چیت کے لیے خود مدعو کیا ہے۔
Published: 07 Jun 2023, 12:46 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 07 Jun 2023, 12:46 PM IST