ہماچل پردیش کی 68 اسمبلی سیٹوں کے لیے ہفتہ کے روز ہوئی ووٹنگ میں عوام نے پورے جوش و خروش کے ساتھ حصہ لیا۔ ویسے تو اس بار بی جے پی اور کانگریس کے درمیان ہی اصل مقابلہ ہے، لیکن عام آدمی پارٹی نے بھی الیکشن میں اپنا پورا زور لگا دیا ہے۔ انتخابی کمیشن کے ذریعہ پیش کردہ ڈاٹا کے مطابق اس بار ہماچل پردیش میں 70.94 فیصد ووٹنگ ہوئی ہے۔ اونا (76.69 فیصد) میں سب سے زیادہ اور کلو (67.41 فیصد) میں سب سے کم ووٹنگ درج کی گئی ہے۔ قابل ذکر ہے کہ 2017 میں ہوئے ہماچل پردیش اسمبلی انتخاب میں ریکارڈ 75.57 فیصد ووٹنگ ہوئی تھی۔ امید کی جا رہی تھی کہ اس مرتبہ یہ ریکارڈ ٹوٹ جائے گا، لیکن ایسا نہیں ہو سکا۔
Published: 12 Nov 2022, 9:03 AM IST
ہماچل پردیش انتخاب کے لیے ووٹنگ کا عمل انجام پا گیا ہے۔ شام 5 بجے تک ریاست میں 65.92 فیصد ووٹنگ ہوئی۔ سب سے زیادہ سرمور ضلع میں 72.35 فیصد ووٹنگ ہوئی، جبکہ سب سے کم کنور میں 62 فیصد ووٹنگ ہوئی۔ میڈیا رپورٹس کے مطابق شام 5 بجے تک شملہ میں 65.66 فیصد، سولن میں 68.48 فیصد، بلاسپور میں 65.72 فیصد، منڈی میں 66.75 فیصد، حمیرپور میں 64.74 فیصد، اونا میں 67.67 فیصد، کانگڑا میں 63.95 فیصد، چمبا میں 63.09 فیصد، کلو میں 64.59 فیصد، لاہول اسپیتی میں 67.50 فیصد، سرمور میں 72.35 فیصد اور کنور میں 62 فیصد ووٹنگ ہوئی۔
Published: 12 Nov 2022, 9:03 AM IST
دنیا کا سب سے اونچا پولنگ مرکز ہماچل پردیش میں واقع ہے جہاں آج ووٹنگ کا عمل انجام پایا۔ یہ پولنگ مرکز تاشیگنگ میں موجود ہے جہاں 52 ووٹرس میں سے 51 ووٹرس نے اپنے حق رائے دہی کا استعمال کیا۔ یعنی یہاں 98.08 فیصد ووٹنگ درج کیا گیا ہے۔
Published: 12 Nov 2022, 9:03 AM IST
ہماچل پردیش میں 68 اسمبلی سیٹوں کے لیے ووٹنگ جاری ہے۔ سہ پہر 3 بجے تک 55 فیصد سے زیادہ ووٹنگ ہو چکی ہے۔
Published: 12 Nov 2022, 9:03 AM IST
ہماچل پردیش کی 68 اسمبلی سیٹوں پر جاری ووٹنگ کے دوران صبح 11 بجے تک 18 فیصد پولنگ درج کیا گیا ہے۔
Published: 12 Nov 2022, 9:03 AM IST
وزیر اعظم نریندر مودی نے ہفتہ کو ہماچل پردیش کے ووٹروں سے جمہوریت کے تہوار میں پورے جوش و خروش کے ساتھ حصہ لینے کی اپیل کی ہے۔ وزیر اعظم مودی نے ٹوئٹ میں کہا "آج ہماچل پردیش کی تمام اسمبلی سیٹوں کے لیے پولنگ کا دن ہے۔ میں دیو بھومی کے تمام ووٹروں سے پورے جوش و خروش کے ساتھ جمہوریت کے تہوار میں حصہ لنے اور نیا ریکارڈ بنانے کی گزارش کرتا ہوں۔‘‘ وزیراعظم نے ان نوجوان ووٹرز کو بھی مبارکباد دی جو پہلی بار اپنا حق رائے دہی استعمال کریں گے۔ انہوں نے کہا اس موقع پر پہلی بار ووٹنگ کرنےوالے ریاست کے ان تمام نوجوانوں کو میری خصوصی مبارکباد۔‘‘
Published: 12 Nov 2022, 9:03 AM IST
ہماچل پردیش میں اسمبلی انتخابات کے لیے آج ووٹ ڈالے جا رہے ہیں۔ صبح 8 بجے سے شروع ہونے والی ووٹنگ شام 5 بجے تک جاری رہے گی۔ ریاست کی 68 سیٹوں پر ایک ہی مرحلے میں ہونے والے انتخابات میں 412 امیدوار میدان میں ہیں۔ انتخابی نتائج 8 دسمبر کو جاری کیے جائیں گے۔ ریاست میں کل 5592828 ووٹر ہیں، جن میں 2854945 مرد اور 2737845 خواتین ووٹرز ہیں۔ پی ایم مودی، وزیر داخلہ امت شاہ، سی ایم جے رام ٹھاکر اور کانگریس لیڈر پرینکا گاندھی سمیت کئی لیڈروں نے عوام سے ووٹ ڈالنے کی اپیل کی ہے۔
Published: 12 Nov 2022, 9:03 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 12 Nov 2022, 9:03 AM IST