یوگی حکومت اشتہارات اور ایونٹ مینجمنٹ کے ذریعہ عوام کو گمراہ کر رہی: للو

لکھنو: اترپردیش کانگریس کمیٹی کے صدر اجے کمار للو نے پیر کووزیر اعلی یوگی آدتیہ ناتھ کی حکومت کو اپنا ہدف تنقید بناتے ہوئے کہا کہ ’’ریاستی حکومت اشتہارات اور ایونٹ مینجمنٹ کے ذریعہ عوام کو لگاتار گمراہ کرنے کی کوشش کر رہی ہے۔‘‘ انہوں نے دعوی کیا کہ ریاست کے حالات بد سے بدتر ہوچکے ہیں۔

اجے للو نے کہا کہ بی جے پی جھوٹے اور گمراہ کن اشتہارات کر کے ریاست کی عوام کو لبھاؤنے نعرے دے کر اور وعدہ کر کے اقتدار پر قابض ہوئی لیکن اپنے کسی بھی وعدے پر کھری نہیں اتری ہے۔ ناکامیوں کو چھپانے کے لئے لبھاؤنے نعروں اور بڑے بڑے ہورڈنگ کے ذریعہ حکومت برانڈنگ کرنے میں مشغول ہے۔ انہوں نے کہا کہ لکھنؤ کا کے جی ایم یو بنیادی سہولیات کی کمی جھیل رہا ہے۔ نہ صرف میڈیکل یونیورسٹی بلکہ پوری ریاست کے اضلاع سے آنے والے مریض بنیادی سہولیات کی کمی سے دم توڑ رہے ہیں۔

یو پی کانگریس صدر نے اپنی بات آگے بڑھاتے ہوئے کہا کہ لکھنؤ سمیت پورے ریاست کے سرکاری اسپتالوں اور سی ایچ سی، پی ایچ سی کے حالات کا اندازہ اسی سے لگایا جاسکتا ہے کہ پرائیویٹ اسپتال سرکاری علاقے کے اسپتالوں کے مقابلے زیادہ تیزی سے ترقی کررہے ہیں۔سرکاری عدم توجہی کی وجہ سے پرائیویٹ اسپتالوں کی حالت خستہ اور ریاست کی غریب عوام ان پرائیویٹ اسپتالوں کی ہراسانی کا شکار ہیں۔ اجے للو نے کہا کہ بی جے پی حکومت کے ہر ضلع میں ایک ملٹی سپر اسپیشلٹی اسپتال کھولنے کے وعدے کا کیاہوا۔یوگی حکومت بتائے کہ یوپی کے کن کن اضلاع میں اس نے ملٹی سپراسپیشلٹی اسپتال کھولے ہیں۔

ریاستی کانگریس صدر نے کہا کہ آج پورا صوبہ مہنگائی جھیل رہا ہے۔ کھانے کی اشیاء اور سبزیاں عوام کی پہنچ سے باہر ہوتی جارہی ہے۔خام تیل اور دلہن کی قیمتیں آسمان چھورہی ہیں۔ بے روزگاری اپنے شباب پر ہے اور 45 سالوں میں سب سے زیادہ ہے۔ ریاست کی عوام خراب نظم و نسق کی وجہ سے خوف کے ماحول میں جینے کومجبور ہیں۔