لکھنؤ: سابق مرکزی وزیر مملکت سوامی چنمیانند کا معاملہ طول پکڑتا جا رہا ہے۔ کانگریس کی جنرل سکریٹری پرینکا گاندھی نے بدھ کے روز بی جے پی پر حملہ بولتے ہوئے کہا کہ اگر کوئی عورت بی جے پی رہنما کے خلاف شکایت کرتی ہے تو اس کو انصاف ملنا تو دور کی بات، اس کی خود کی بھی حفاظت کی گارنٹی نہیں رہتی۔
Published: 28 Aug 2019, 7:10 PM IST
پرینکا گاندھی نے ٹوئٹ کیا، ’’اتر پردیش میں اناؤ معاملہ جیسا ہی دوہراؤ لگ رہا ہے۔ اگر کوئی خاتون بی جے پی رہنما کی شکایت کرتی ہے تو اس کو انصاف ملنا تو دور کی بات، اس کی خود بھی محفوظ نہیں رہتی۔‘‘
Published: 28 Aug 2019, 7:10 PM IST
پرینکا نے مزید لکھا، ’’گزشتہ سال بی جے پی حکومت نے عصمت دری کے ملزم کو بری کر دیا۔ یہ صاف ہے کہ حکومت کس کے ساتھ کھڑی ہے۔ ریاست کی لڑکیاں سب دیکھ رہی ہیں۔ آواز اٹھانے والی لڑکی لاپتہ کر دی جاری ہے۔ اس کے ساتھ کیا ہوا ہے یہ کوئی نہیں جانتا۔ آخر یہ کب تک چلے گا؟‘‘
Published: 28 Aug 2019, 7:10 PM IST
ایک دیگر ٹوئٹ میں انہوں نے لکھا، ’’اتر پردیش میں ایک دن بھی ایسا نہیں گزرتا جس دن بی جے پی حکومت خواتین کو یہ بھروسہ دلانے میں کامیاب رہی ہو کہ آپ یہاں محفوظ ہیں اور اگر آپ کے ساتھ کوئی واقعہ پیش آتا ہے تو آپ کو انصاف ملے گا۔‘‘
Published: 28 Aug 2019, 7:10 PM IST
واضح رہے کہ سابق مرکزی وزیر مملکت سوامی چنمیا نند اور اس کے کالج میں ایل ایل ایم کی ایک طالبہ کو اغوا کرنے اور دھمکی دینے کا مقدمہ ڈی جی پی کی ہدایت پر درج کیا گیا ہے۔
Published: 28 Aug 2019, 7:10 PM IST
یہ مقدمہ طالبہ کے والد کی طرف سے شاہجہانپور کی چوک کوتوالی میں درج کرایا گیا ہے۔ پولس کی کئی ٹیمیں طالبہ کو تلاش کر رہی ہیں۔ پولس سپرنٹنڈنٹ ایس چنپا نے بتایا کہ طالبہ کے خاندان کو سرکاری سیکورٹی مہیا کرائی گئی ہے۔
Published: 28 Aug 2019, 7:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 28 Aug 2019, 7:10 PM IST