مغربی بنگال کے دارالحکومت کولکاتا میں جگن ناتھ گھاٹ کے قریب کیمیکل گودام میں شدید آگ لگ گئی ہے، گودام سے اونچی اونچی لپیٹیں نکل رہی ہیں، آگ لگنے کی وجہ سے علاقے میں افرا تفریح کا ماحول بنا ہوا ہے۔ اطلاع ملنے کے بعد فائر بریگیڈ کے اہلکار موقع پر پہنچ گئے ہیں اور آگ پر قابو پانے کی کوشش میں لگے ہوئے ہیں۔ فی الحال موقع پر آگ کے فائر بریگیڈ کی 25 گاڑیاں موجود ہیں۔
Published: undefined
خبروں کے مطابق کیمیکل گودام میں گزشتہ رات تقریباً 2 بجے آگ لگ گئی تھی، تبھی سے موقع پر بڑی تعداد میں آگ پر قابو والی گاڑیاں اور اہلکار موجود ہیں۔ ریاست کے آگ اور ایمرجنسی سروس کے وزیر سجيت بوس اور فائر فائٹرز خدمات کے ڈائریکٹر جنرل بھی موقع پر موجود ہیں۔ موقع پر فائر بریگیڈ محکمہ کے افسر دیب تنو بوس نے کہا، ’’آگ سے کوئی بھی ہلاک نہیں ہوا ہے، موقع پر فائر بریگیڈ کی 25 گاڑیاں موجود ہیں جو آگ پر قابو پانے کی کوشش کر رہی ہہیں۔ آگ میں شدت ہونے کی وجہ سے ہم عمارت کے اندر داخل نہیں ہو پا رہے هیں۔ بلڈنگ کا وسطی حصہ گر گیا ہے‘‘۔
Published: undefined
ڈپٹی کمشنر ٹریفک کولکاتا نے بتایا کہ کیمیکل گودام میں آگ لگنے کی وجہ سے اسٹنڈر بینک روڈ کا ٹریفک ڈائیورٹ کر دیا گیا ہے، انہوں نے مزید کہا کہ جگن ناتھ گھاٹ کے قریب آگ لگنے کی وجہ سے اسٹنڈر بینک روڈ کا ٹریفک لوگوں کے لئے بند ہے۔ انہوں نے لوگوں سے اپیل کی ہے کہ وہ متبادل کے لئے دوسرے راستے استعمال کریں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز