کولکاتا: مرشدآباد ضلع کے شمشیر گنج اسمبلی حلقے سے کانگریس کے امیدوار رضا الحق کی کورونا وائرس کی وجہ سے موت ہو گئی ہے۔دو دن قبل ہی ان کی کورونا کی جانچ کی رپورٹ مثبت آئی تھی۔
Published: undefined
چھیالیس سالہ رضا الحق کو بدھ کے روز سانس میں تکلیف ہونے کی وجہ سے جنگی پور میں واقع ایک پرائیوٹ اسپتال میں داخل کرایا گیا تھا، جہاں ان کی صحت میں بہتری نہیں آٗی۔ رات کے وقت ان کی طبیعت مزید خراب ہو گئی، جس کے بعد انہیں کولکاتا روانہ کیا گیا مگر آج صبح ان کی موت واقع ہو گئی ہے۔
Published: undefined
رضا الحق کے انتقال پر مغربی بنگال کانگریس کے سربراہ ادھیر رنجن چودھری نے تعزیت کا اظہار کرتے ہوئے کہا کہ یہ پارٹی کے لئے بڑا نقصان ہے۔ کانگریس اپنے ایک وفادار ساتھی سے محروم ہو گئی ہے۔ انہوں نے کہا کہ الیکشن کمیشن کو انتخابی جلسوں میں حفاظتی پروٹوکول کی خلاف ورزی کے مختلف واقعات پر نوٹس لینا چاہئے۔
Published: undefined
ادھیر رنجن چودھری نے کہا کہ انہوں نے کمیشن کوخط لکھ کر کہا ہے کہ انتخابی ضابطہ اخلاق کی خلاف ورزی روکی جانی چاہئے۔ خیال رہے کہ شمشیر گنج میں 26 اپریل کو 7 ویں مرحلے کے دوران پولنگ ہونی تھی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا