کولکاتا: لوک سبھا میں کانگریس کے لیڈر اور بہرام پور سے ممبر پارلیمنٹ ادھیررنجن چودھری کی رہائش گاہ پر حملہ کے بعد بنگال کانگریس کے لیڈروں نے ناراضگی ظاہر کرتے ہوئے کہا ہے کہ ترنمول کانگریس کے ورکرجان بوجھ کر ممبر پارلیمنٹ ادھیررنجن چودھری کو نشانہ بنارہے ہیں۔
Published: undefined
دراصل ہفتہ کی شب 11.30بجے کچھ شرپسند عناصر نے بہرام پور کے گورابازار میں واقع ادھیر رنجن چودھری کے گھر پر حملہ کردیا ہے۔ان کے گھر کی کھڑکیوں کو توڑ دیا گیا ہے۔تاہم حملے کے وقت ممبر پارلیمنٹ گھر پر موجود نہیں تھے۔اس واقعے کے خلاف کل پولس اسٹیشن میں شکایت درج کرائی گئی ہے۔سی سی ٹی کے فوٹیج کی مدد سے پولس نے جانچ شروع کردی ہے۔
Published: undefined
بہرام پور سے ممبر اسمبلی منوج چکرورتی نے آج ادھیررنجن چودھری کے گھر کا معائنہ کیا۔خیال رہے کہ مارچ میں بھی دہلی میں واقع ادھیر رنجن چودھری کی رہائش گاہ پر حملہ کیا گیا تھا۔ان کے سیکورٹی گارڈ کے ساتھ مارپیٹ کی گئی ہے۔بلکہ ادھیررنجن چودھری کے گھر سے کچھ کاغذات کو بھی غائب کردیا گیا تھا۔اس وقت بی جے پی کو مورد الزام ٹھہرایا گیا تھا۔
Published: undefined
منوج چکرورتی نے کہا کہ ترنمول کانگریس اور بی جے پی دونوں ریاست میں تشدد کو بڑھاوا دے رہی ہے۔انہوں نے کہا کہ دونوں پارٹیوں کے لوگ علاقے پر قبضہ کرنے کی نیت سے ریاست میں کاماحول کو بگاڑنے کی کوشش کررہے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا